Һүрәттәрҙе ҡарап өйрәнегеҙ

Беҙҙең әҙәбиәттә күп һүрәттәр бар һәм уларҙың барыһынан да мөһим һабаҡтар алып була. Был һабаҡтар беҙгә файҙа килтерһен өсөн нимә эшләргә?

• Мәҡәләне уҡыр алдынан ундағы һүрәттәрҙе ҡарап сығығыҙ. Тәмле, матур ризыҡ аппетит уятҡан кеүек, һүрәттәр ҙә ҡыҙыҡһыныу уята. Шуға уҡыр алдынан үҙегеҙҙән: «Мин нимә күрәм?» — тип һорағыҙ (Амос 7:7, 8).

• Мәҡәләне уҡығанда, ни өсөн тап ошо фотоһүрәттәр һәм рәсемдәр килтерелә икән, тип уйланығыҙ. Уларҙың аҫтындағы комментарийҙарҙы уҡығыҙ. Был һүрәттәр мәҡәләләге темаға һәм һеҙҙең тормошоғоҙға нисек бәйле булыуы хаҡында уйланығыҙ.

• Мәҡәләне уҡып сыҡҡас, һүрәттәргә тағы ла иғтибар итегеҙ һәм улар ярҙамында төп фекерҙәрҙе ҡабатлағыҙ. Шунан күҙегеҙҙе йомоғоҙ һәм һүрәттәрҙе күҙ алдына килтереп, уларға бәйле һабаҡтарҙы иҫкә төшөрөгөҙ.

• Был журналдағы һүрәттәрҙе тағы бер тапҡыр ҡарап сығығыҙ. Улар һеҙҙе нимәгә өйрәткәнен иҫкә төшөрә алаһығыҙмы?