Йөрәгегеҙҙе әҙерләгеҙ

Изге Яҙманы өйрәнгәндә, беҙ уның йөрәгебеҙгә һәм эске асылыбыҙға тәьҫир итеүен теләйбеҙ. Был йәһәттән Езра яҡшы үрнәк ҡалдырған. Ул: «Раббы ҡанунын өйрәнеүгә һәм уны үтәүгә» йөрәген әҙерләгән (Езра 7:10). Беҙ үҙ йөрәгебеҙҙе нисек әҙерләй алабыҙ?

Доға ҡылығыҙ. Өйрәнеүҙе доға ҡылып башлағыҙ. Йәһүәнән белгәндәрегеҙҙе аңларға һәм тормошта ҡулланырға ярҙам итеүен һорағыҙ (Зәб. 118:18, 34).

Баҫалҡы булығыҙ. Ғорур һәм үҙен башҡаларҙан аҡыллыраҡ тип һанаған кешеләргә Йәһүә хәҡиҡәтте асмай (Лука 10:21) Шуға башҡаларҙың иғтибарын йәлеп итер өсөн генә өйрәнеүҙән һаҡланығыҙ. Фекер йөрөтөү рәүешегеҙ Йәһүәнекенә тура килмәһә, уны үҙгәртергә әҙер булығыҙ.

Батшалыҡ йырҙарын тыңлағыҙ. Музыка ҙур көскә эйә һәм йөрәккә тәьҫир итә ала. Өйрәнеү алдынан Батшалыҡ йырҙарын тыңлау йөрәгебеҙҙе әҙерләргә ярҙам итер.