Мәсихселәр һәм һуғыш. Изге Яҙмала нимә әйтелә?

Украиналағы конфликт шуны асыҡ күрһәтә: христиан сиркәүҙәренең күп кенә лидерҙары әүҙем рәүештә һуғышты хуплай. Был конфликттың ике яғында тороусы дин башлыҡтарының һүҙҙәрен килтерәбеҙ:

• «Тыуған илебеҙ Украинаны агрессорҙан яҡлап торған һалдаттарыбыҙға рәхмәтлебеҙ һәм улар алдында баш эйәбеҙ. Һеҙҙең өсөн Аллаға доға ҡылабыҙ, күңелебеҙ һеҙҙең менән бергә һәм һеҙҙе хуплайбыҙ», — тип әйткән Киев митрополиты Епифаний (The Jerusalem Post, 16 март, 2022 йыл).

• «Мәскәү Украиналағы хәрби һөжүмен дауам иткән ваҡытта, Урыҫ православие сиркәүенең башлығы Рәсәй һалдаттары өсөн йәкшәмбе көнө осрашыу үткәргән һәм уларҙы үҙ илдәрен «тик урыҫтар ғына яҡлай алғанса яҡларға» өндәгән (Reuters, 3 апрель, 2022 йыл).

Мәсихселәр һуғышта ҡатнашырға тейешме? Изге Яҙмала нимә әйтелә?

Изге Яҙмала нимә яҙылған?

Изге Яҙма буйынса, Ғайса Мәсихтең шәкерттәре һуғыштарҙа ҡатнашмай.

• «Ҡылысыңды кире ҡынына тығып ҡуй, сөнки ҡулына ҡылыс алған һәр кем ҡылыстан һәләк булыр» (Матфай 26:52).

  Һуғыштарҙы хуплаған һәм уларҙа ҡатнашҡан кеше Ғайсаның һүҙҙәренә буйһона, тип әйтеп буламы?

• «Һеҙгә яңы әмер бирәм: бер-берегеҙҙе яратығыҙ. Мин һеҙҙе нисек яратһам, һеҙ ҙә шулай бер-берегеҙҙе яратығыҙ. Бер-берегеҙҙе яратыуығыҙҙан барыһы ла һеҙҙең Минең шәкерттәрем булыуығыҙҙы белер» (Яхъя 13:34, 35).

  Һуғышты хуплаған кеше Ғайсаның шәкерттәренә хас булған яратыу күрһәтә, тип әйтеп буламы?

Күберәк белер өсөн «Мәсихселәр дине һуғыш менән бәйле була аламы?» тигән мәҡәләне (урыҫ) уҡығыҙ.

Мәсихселәр һәм бөгөнгө һуғыштар

Бөгөнгө мәсихселәрҙең һуғышта ҡатнашмауы мөмкинме? Эйе, мөмкин. Изге Яҙмала әйтелгәнсә, беҙҙең көндәрҙә һәр халыҡтан сыҡҡан кешеләр, Ғайсаның һүҙен үтәп, «башҡа һуғышырға өйрәнмәҫ» (Ишағыя 2:2, 4).

• Күберәк белер өсөн «Алла һуғыштарҙы хуплаймы?» тигән «Күҙәтеү манараһы» сығарылышын (тат.) уҡығыҙ.

Тиҙҙән Йәһүәa, «именлек Аллаһы», үҙенең хөкүмәтен ҡулланып, кешеләрҙе «иҙеүҙән һәм йәбер-золомдан йолоп» аласаҡ (Филиптарға 4:9; Зәбур 72:14).

• Был турала күберәк белер өсөн «Алла Батшалығы нимә ул?» тигән видеоны ҡарағыҙ.