Төшөрмә

b Данил 4:10—17: «Ятағымда йоҡлап ятҡан саҡта мин шундай күренеш күрҙем: ер уртаһында ғәйәт ҙур, бөйөк бер ағас тора. ¹¹ Ағас үҫеп, ныҡ булып китте һәм уның осо күктәргә тиклем етте, уны ер ситенән үк күреп була ине. ¹² Ағас ҡуйы япраҡлы, мул емешле ине, барлыҡ йән эйәләре унда аҙыҡ таба ине. Уның аҫтында йәнлектәр ышыҡлана ине, ботаҡтарында ҡоштар оялай ине. Ул барлыҡ тереклекте туйындырып торҙо. ¹³ Шунан мин ятағымда йоҡлап ятҡан саҡта күренештә күктәрҙән бер һаҡсының — изге заттың төшкәнен күрҙем. ¹⁴ Ул ҡаты тауыш менән былай тине: „Ағасты киҫеп ташлағыҙ, ботаҡтарын сабығыҙ! Япраҡтарын һелкеп төшөрөгөҙ, емештәрен төрлө яҡҡа сәсегеҙ! Уның аҫтынан йәнлектәр ҡасһын, ботаҡтары араһынан ҡоштар осоп китһен. ¹⁵ Әммә ағас төбөн, тимер һәм баҡыр бығау һалып, тамырҙары менән ерҙә, йәшел үлән араһында ҡалдырығыҙ. Ул күктән төшкән ысыҡ менән һуғарылһын, уның өлөшө йәнлектәр менән бергә ер өҫтөндәге йәшел үлән араһында булһын. ¹⁶ Уның әҙәм йөрәге хайуан йөрәгенә әүерелһен, һәм шул рәүешсә ете ваҡыт үтһен. ¹⁷ Ер йөҙөндә йәшәгән кешеләр Аллаһы Тәғәләнең кешелек батшалыҡтары өҫтөнән Хаким булыуын, хакимлыҡты кемгә бирергә теләһә, шуға биреүен һәм тәхеткә кешеләр араһынан хатта иң күренекһеҙен ултыртҡанын белһендәр өсөн, был бойороҡто һаҡсылар тапшырҙы, был ҡарар изге заттар аша бирелде“».