Изге Яҙманың төп темаһы Алла Батшалығы менән бәйле. Был Батшалыҡ ярҙамында Йәһүә ерҙе ожмахҡа әйләндерәсәк. Нимә ул Батшалыҡ? Уның әле идара иткәнен беҙ ҡайҙан беләбеҙ? Ул инде нимәләр эшләгән? Киләсәктә нимәләр эшләйәсәк? Был һорауҙарға яуапты ошо һәм киләһе ике дәрестән белеп була.

1. Алла Батшалығы нимә ул һәм уның Батшаһы кем?

Батшалыҡ — ул Йәһүә Алла урынлаштырған хөкүмәт. Уның батшаһы — Ғайса Мәсих, ул күктән идара итә (Матфей 4:17; Яхъя 18:36). Изге Яҙмала Ғайса тураһында, ул «мәңгелек батшалыҡ итер», тиелгән (Лука 1:32, 33). Алла Батшалығының Батшаһы булараҡ, Ғайса ер йөҙөндә йәшәгән бөтә кеше өҫтөнән идара итәсәк.

2. Ғайса менән бергә кем идара итә?

Ғайса үҙе генә идара итмәҫ. Уның менән бергә «һәр ҡәбиләнән һәм телдән, халыҡтан һәм милләттән» кешеләр ер өҫтөнән идара итер (Асылыш 5:9, 10). Уларҙың һаны күпме булыр? Ғайса ерҙә йәшәгәндән бирле миллиондарса кеше мәсихсе булып киткән. Әммә уларҙың 144 000-е генә Ғайса менән идара итер өсөн күккә бара. (Асылыш 14:1—4-те уҡы.) Бөтә башҡа мәсихселәр ерҙә йәшәр һәм Алла Батшалығының граждандары булыр (Зәбур 37:29).

3. Алла Батшалығы кеше хөкүмәттәренән нимәһе менән яҡшыраҡ?

Был донъялағы идарасылар яҡшы нәмәләр эшләргә тырышһалар ҙа, теләгәндәренең барыһын башҡарырға көстәре етмәй. Ваҡыт үтеү менән улар урынына башҡа идарасылар килә, ә ул идарасылар тик үҙҙәрен генә уйлай һәм кешеләргә ярҙам итергә теләмәй. Әммә Алла Батшалығының Батшаһы, Ғайса, һәр ваҡыт идара итәсәк, уны берәү ҙә алмаштырмаясаҡ. Алла «бер ҡасан да емерелмәйәсәк батшалыҡ» урынлаштырған (Данил 2:44). Ғайса бөтә ер өҫтөнән идара итәсәк һәм бар кешене бер тигеҙ күрәсәк. Ул ҡайғыртыусан, мәрхәмәтле һәм ғәҙел. Ул кешеләрҙе лә бер-береһен яратырға, бер-береһенә ҡарата мәрхәмәтле һәм ғәҙел булырға өйрәтәсәк. (Ишағыя 11:9-ҙы уҡы.)

4. Бөтә ер өҫтөнән ҡеүәтле хөкүмәт идара итер

Ғайса Мәсих тарихтағы һәр ҡайһы идарасыға ҡарағанда ҙурыраҡ хакимлыҡҡа һәм ҡеүәткә эйә. Матфей 28:18-ҙе уҡы һәм яуап бир:

• Ғайсаның хакимлығы кешеләрҙекенән нимә менән айырылып тора?

Кеше хөкүмәттәре йыш алмашынып тора, һәм уларҙың һәр береһе ерҙең ниндәйҙер бер өлөшө менән генә идара итә. Ә Алла Батшалығы тураһында нимә әйтеп була? Данил 7:14-те уҡы һәм ошо һорауҙарға яуап бир:

• Һинеңсә, Алла Батшалығының емерелмәҫ хөкүмәт булыуы ниндәй файҙа килтерәсәк?

• Һинеңсә, уның бөтә ер өҫтөнән идара итәсәге ниндәй файҙа килтерәсәк?

5. Кеше хөкүмәттәрен алмаштырырға кәрәк

Ни өсөн Алла Батшалығы кеше хөкүмәттәрен алмаштырасаҡ? ВИДЕОЯҘМАНЫ ҡара һәм һорауға яуап бир.

ВИДЕОЯҘМА: «Алла Батшалығы нимә ул?» (өҙөк) (1:41)

• Кешеләрҙең идара итеүе нимәгә килтергән?

Вәғәзсе 8:9-ҙы уҡы һәм яуап бир:

• Һин нисек уйлайһың, Алла Батшалығы кеше хөкүмәттәрен алмаштырырға тейешме? Ни өсөн?

6. Алла Батшалығының идарасылары беҙҙе яҡшы аңлай

Батшабыҙ Ғайса, ерҙә кеше булып йәшәгәнгә, йомшаҡ яҡтарыбыҙҙы аңлап беҙҙең хәлгә инә ала (Еврейҙарға 4:15). Ғайса менән бергә идара итәсәк 144 000 тоғро ир-ат һәм ҡатын-ҡыҙ — «һәр ҡәбиләнән һәм телдән, халыҡтан һәм милләттән» сыҡҡан кешеләр. Йәһүә уларҙы үҙе һайлап ала (Асылыш 5:9).

• Ғайса һәм уның менән бергә идара итеүселәр хистәребеҙҙе һәм ниндәй ауырлыҡтар менән осрашҡаныбыҙҙы аңлай. Был һине йыуатамы? Аңлат.

7. Алла Батшалығының закондары иң яҡшыһы

Үҙ граждандарын яҡлар өсөн, хөкүмәттәр төрлө закондар сығара. Алла Батшалығының да закондары бар, һәм уның граждандары уларҙы үтәргә тейеш. 1 Коринфтарға 6:9—11-ҙе уҡы һәм ошо һорауҙарға яуап бир:

• Һәр кеше Алла закондарын үтәһә, һинеңсә, донъя ниндәй булыр?a

• Нисек уйлайһың, Йәһүәнең Батшалыҡ граждандарынан үҙенең закондарын хөрмәт итеүҙе талап итергә хаҡы бармы? Ни өсөн?

• Был закондар буйынса йәшәмәгән кешеләрҙең үҙгәрә алыуы нимәнән күренә? (11-се аятты ҡара.)

ТӨП ФЕКЕР

Алла Батшалығы — күктә урынлашҡан хөкүмәт. Ул бөтә ер өҫтөнән идара итәсәк.

Ҡабатлау

• Алла Батшалығында кем идара итәсәк?

• Алла Батшалығы кеше хөкүмәттәренән нимә менән яҡшыраҡ?

• Йәһүә Батшалыҡ граждандарынан нимә талап итә?

ӨҪТӘМӘ МӘҒЛҮМӘТ

Ғайсаның Алла Батшалығының ҡайҙа урынлашҡаны тураһында нимә әйткәнен бел.

«Алла Батшалығы кеше йөрәгендәме?» (интернет-мәҡәлә)

Ни өсөн Йәһүә шаһиттары кеше хөкүмәттәренә түгел, ә Алла Батшалығына тоғро?

«Алла Батшалығына тоғробоҙ» (1:43)

Изге Яҙмала Ғайса менән идара итәсәк 144 000 кеше хаҡында нимә әйтелгәнен ҡарап сыҡ.

«Күккә кемдәр бара?» (интернет-мәҡәлә)

Төрмәлә ултырған бер ҡатын тик Алла ғына ерҙә ғәҙеллек урынлаштыра аласағын ишеткән. Уны быға нимә ышандырған?

«Ғәҙеллек тантана итәсәген белеп ҡалдым» («Уянығыҙ!», 2011 йыл, ноябрь)

Ғайса үҙенең шәкерттәренә: «Һеҙ был донъяныҡы түгел», — тигән (Яхъя 15:19). Ғайсаның һүҙҙәре, мәсихселәр нейтралитет һаҡларға тейеш, тигәнде аңлата. Беҙ һуғыштарҙа һәм сәйәсәттә бер яҡты ла яҡламайбыҙ. Нейтралитет һаҡлау еңел түгел, сөнки бының арҡаһында башҡалар беҙгә нәфрәтләнергә һәм беҙҙе мыҫҡылларға мөмкин. Беҙ нисек нейтралитет һаҡлап Йәһүә Аллаға тулыһынса тоғро булып ҡала алабыҙ?

1. Мәсихселәр кеше хөкүмәттәренә нисек ҡарай?

Мәсихселәр хөкүмәттәрҙе хөрмәт итә. Беҙ, Ғайса өйрәткәнсә, «ҡайсарҙыҡын ҡайсарға» бирәбеҙ, йәғни үҙебеҙ йәшәгән илдең закондарына буйһонабыҙ, мәҫәлән, һалым түләйбеҙ (Марк 12:17). Изге Яҙмала әйтелгәнсә, кеше хөкүмәттәре Йәһүә уларға рөхсәт иткәнгә генә идара итә (Римдарға 13:1). Тимәк, уларҙың хакимлығы сикле. Беҙ, кешелектең бөтә проблемаларын тик Алла һәм уның күктәге Батшалығы ғына хәл итәсәк, тип ышанабыҙ.

2. Беҙ нейтралитет һаҡлауыбыҙҙы нисек күрһәтә алабыҙ?

Ғайса кеүек, беҙ ҙә сәйәсәттә ҡатнашмайбыҙ. Халыҡ, Ғайса ҡылған мөғжизәләрҙе күреп, уны үҙҙәренең батшаһы итеп ҡуйырға теләгән, ләкин ул быға юл ҡуймаған (Яхъя 6:15). Ни өсөн? Һуңыраҡ ул: «Минең Батшалығым был донъяныҡы түгел», — тип аңлатҡан (Яхъя 18:36). Беҙ — Ғайсаның шәкерттәре, шуға күрә һуғыштарҙа ҡатнашмайбыҙ. (Миҡай 4:3-тө уҡы.) Беҙ милли символдарҙы, мәҫәлән, байраҡты хөрмәт итәбеҙ, ләкин уларға табынмайбыҙ (1 Яхъя 5:21). Бынан тыш, беҙ ниндәй ҙә булһа сәйәси партияны йә кандидатты яҡламайбыҙ һәм уларға ҡаршы ла сыҡмайбыҙ. Шулай итеп беҙ Алланың хөкүмәтенә — уның Батшалығына — тулыһынса тоғро булыуыбыҙҙы күрһәтәбеҙ.

КҮБЕРӘК БЕЛ

3. Мәсихселәр нейтралитет һаҡлай

Был яҡтан Ғайса һәм беренсе мәсихселәр беҙгә өлгө булып тора. Римдарға 13:1, 5—7 һәм 1 Петр 2:13, 14-те уҡы. Шунан ВИДЕОЯҘМАНЫ ҡара һәм һорауҙарға яуап бир:

ВИДЕОЯҘМА: «Ысын мәсихселәр нейтралитет һаҡлай» (1-се өлөш) (4:28)

• Ни өсөн беҙгә кеше хөкүмәттәрен хөрмәт итергә кәрәк?

• Уларға буйһоноуыбыҙ нимәнән күренә?

Һуғыш ваҡытында ҡайһы бер илдәр үҙен нейтраль тип иғлан итә. Әммә шул уҡ ваҡытта һуғышҡан ике яҡҡа ла булышлыҡ итә. Был ысын нейтралитетмы? Яхъя 17:16-ны уҡы. Шунан ВИДЕОЯҘМАНЫ ҡара һәм яуап бир:

ВИДЕОЯҘМА: «Ысын мәсихселәр нейтралитет һаҡлай» (2-се өлөш) (3:11)

• Нейтраль булыу нимәне аңлата?

Хөкүмәттең талаптары Алла ҡанунына ҡаршы килһә, үҙебеҙҙе нисек тоторға? Ғәмәлдәр 5:28, 29-ҙы уҡы. Шунан ВИДЕОЯҘМАНЫ ҡара һәм һорауҙарға яуап бир:

ВИДЕОЯҘМА: «Ысын мәсихселәр нейтралитет һаҡлай» (3-сө өлөш) (1:18)

• Хөкүмәттең талаптары Алла ҡанунына ҡаршы килһә, беҙ кемгә буйһонорға тейеш?

• Мәсихсе ниндәй осраҡтарҙа кеше хөкүмәттәренә буйһонмаясаҡ?

4. Уйҙарҙа һәм эштәрҙә нейтраль булыу

1 Яхъя 5:21-ҙе уҡы. Шунан ВИДЕОЯҘМАНЫ ҡара һәм яуап бир:

ВИДЕОЯҘМА: «Ни өсөн мәсихселәргә ҡыйыулыҡ кәрәк? Нейтралитет һаҡлар өсөн» (2:49)

• Ни өсөн Айенге сәйәси партияға инмәҫкә һәм байраҡты ҙурлау кеүек милләтсел сараларҙа ҡатнашмаҫҡа булған?

• Нисек уйлайһың, ул дөрөҫ эшләгәнме?

Тағы ниндәй осраҡтарҙа нейтралитетыбыҙ һыналырға мөмкин? ВИДЕОЯҘМАНЫ ҡара һәм һорауҙарға яуап бир:

ВИДЕОЯҘМА: «„Күҙәтеү манараһынан“ ҡиммәтле фекерҙәр. Тарҡау донъяла нейтралитет һаҡлағыҙ» (5:16)

• Ни өсөн халыҡ-ара спорт ярыштарын ҡарағанда, беҙгә нейтраль булып ҡалырға кәрәк?

• Әгәр сәйәсмәндәрҙең ҡарарҙары шәхсән беҙгә ҡағылһа, нисек нейтралитет һаҡларға?

• Киң мәғлүмәт саралары һәм үҙебеҙ аралашҡан кешеләр нейтралитет һаҡлауыбыҙға нисек тәьҫир итергә мөмкин?

ТӨП ФЕКЕР

Мәсихселәр уйҙарында, һүҙҙәрендә һәм эштәрендә нейтраль булып ҡалыр өсөн күп тырышлыҡ һала.

Ҡабатлау

• Дәүләт алдында беҙҙең ниндәй бурыстарыбыҙ бар?

• Ни өсөн беҙ сәйәси һорауҙарҙа нейтраль булып ҡалабыҙ?

• Ниндәй осраҡтарҙа беҙгә нейтралитет һаҡлау ауыр булырға мөмкин?

ӨҪТӘМӘ МӘҒЛҮМӘТ

Нейтралитет һаҡлар өсөн, беҙгә ниндәй ҡорбандарға барырға тура килеүе ихтимал?

«Йәһүә беҙҙе бер ҡасан да ҡалдырманы» (3:14)

Ғаиләләр нейтралитет һынала торған осраҡтарға нисек алдан уҡ әҙерләнә ала?

«Нейтралитет һаҡларға әҙер бул» (4:25)

Тыуған илде яҡлауҙан да изгерәк бурыс бармы?

«Алланың ҡулынан килмәгән бер нәмә лә юҡ» (5:19)

Эш һайлағанда, «һеҙ был донъяныҡы түгел» тигән принципты нисек иҫәпкә алырға?

«Һәр кем үҙ йөгөн үҙе күтәрергә тейеш» («Күҙәтеү манараһы», 2006 йыл, 15 март)