47-СЕ ДӘРЕС
Һин һыуға сумдырылырға әҙерме?
Изге Яҙманы өйрәнгәндә, һин Йәһүә тураһында күпте белдең. Моғайын, һин белгәндәреңдән нимәнелер инде ҡулланғанһыңдыр. Әммә әлегә, ғүмереңде Йәһүәгә бағышлап, һыуға сумдырылырға ҡыймайһыңдыр. Был дәрестә беҙ кешегә йыш ҡына һыуға сумдырылырға нимә ҡамасаулағанын һәм шул кәртәләрҙе нисек еңеп булғанын ҡарап сығырбыҙ.
1. Һыуға сумдырылыр өсөн күпме белергә кәрәк?
Һыуға сумдырылыр алдынан һиңә «теүәл белем» алырға кәрәк (1 Тимофейға 2:4, ЯДТ). Был һин Изге Яҙма буйынса бирелгән һәр һорауға яуап белергә тейеш тигәнде аңлатмай. Хатта күп йылдар элек һыуға сумдырылған мәсихселәр ҙә белем алыуҙарын дауам итә (Колосстарға 1:9, 10). Әммә һиңә Изге Яҙманың төп тәғлимәттәрен яҡшы аңларға кәрәк. Йыйылыштағы өлкәндәр белемең етерлекме икәнен билдәләргә ярҙам итер.
2. Һыуға сумдырылыр өсөн нимә эшләргә кәрәк?
Һыуға сумдырылғанға тиклем ике мөһим аҙым яһарға кәрәк. Изге Яҙма: «Тәүбә итегеҙ һәм Аллаға табан боролоғоҙ», — тип дәртләндерә. (Ғәмәлдәр 3:19-ҙы уҡы.) Тимәк, һиңә элек ҡылған гонаһтарыңа тәрән үкенергә һәм Йәһүәнән, мине кисер, тип һорарға кәрәк. Шулай уҡ Йәһүә гонаһ тип һанаған нәмәләрҙе кире ҡағырға һәм уның нормалары буйынса йәшәргә ныҡлы ҡарар итергә кәрәк. Бынан тыш, йыйылыш осрашыуҙарына йөрөү һәм ҡәрҙәштәр менән бергә вәғәзләү мөһим.
3. Ни өсөн һыуға сумдырылырға ҡурҡырға кәрәкмәй?
Ҡайһы берәүҙәр, Йәһүәгә биргән вәғәҙәләремде үтәй алмаҫмын, тип ҡурҡа. Ысынында, һин ваҡыт-ваҡыт хаталар яһарһың. Хатта Изге Яҙмала иҫкә алынған тоғро ирҙәр һәм ҡатындар ҙа хаталанған. Әммә Йәһүә үҙ хеҙмәтселәренән камиллыҡ көтмәй. (Зәбур 103:13, 14-те уҡы.) Һин ҡулыңдан килгәндең барыһын эшләгәндә, ул шатлана. Ул һиңә мотлаҡ ярҙам итәсәк. Йәһүә, һеҙҙе бер нәмә лә минең мөхәббәтемдән айыра алмаясаҡ, тип ышандыра. (Римдарға 8:38, 39-ҙы уҡы.)
КҮБЕРӘК БЕЛ
Йәһүәне яҡшыраҡ белеп һәм уның ярҙамын ҡабул итеп, һыуға сумдырылырға ҡамасаулаған кәртәләрҙе нисек еңеп булғанын бел.
4. Йәһүәне яҡшыраҡ бел
Һыуға сумдырылғанға хәтле Йәһүәне ни тиклем яҡшы белергә кәрәк? Алған белемдәрең һине уны яратырға һәм ул хуп күргәнде эшләргә дәртләндерергә тейеш. ВИДЕОЯҘМАНЫ ҡарап, төрлө илдәрҙәге кешеләрҙең нисек итеп һыуға сумдырылыуға әҙерләнгәнен бел. Шунан һорауға яуап бир.
Был кешеләргә һыуға сумдырылыуға әҙерләнергә нимә ярҙам иткән?
Римдарға 12:2-не уҡы һәм яуап бир:
Изге Яҙма тәғлимәттәре йәки Йәһүә шаһиттарының өйрәткәндәре дөрөҫ икәненә шиктәрең бармы?
Әгәр шиктәрең булһа, нимә эшләй алаһың?
5. Һыуға сумдырылырға ҡамасаулаған кәртәләрҙе ең
Тормошобоҙҙо Йәһүәгә бағышлап һыуға сумдырылырға хәл иткәндә, беҙ бөтәбеҙ ҙә ауырлыҡтар менән осрашабыҙ. Бына бер ҡатындың миҫалы. ВИДЕОЯҘМАНЫ ҡара һәм һорауҙарға яуап бир.
Был ҡатынға һыуға сумдырылырға нимә ҡамасаулаған?
Йәһүәне яратыу нисек уға ошо кәртәләрҙе еңеп сығырға ярҙам иткән?
Ғибрәтле һүҙҙәр 29:25 һәм 2 Тимофейға 1:7-не уҡы һәм яуап бир:
Кәртәләрҙе еңеп сығырға нимә ҡыйыулыҡ бирер?
6. Йәһүәнең ярҙамына таян
Йәһүә һиңә үҙенең нормалары буйынса йәшәргә ярҙам итер. ВИДЕОЯҘМАНЫ ҡара һәм һорауҙарға яуап бир.
Был иргә һыуға сумдырылырға нимә ҡамасаулаған?
Уға Йәһүәгә нығыраҡ таянырға нимә ярҙам иткән?
Ишағыя 41:10, 13-тө уҡы һәм яуап бир:
Үҙеңде Йәһүәгә бағышлағанда биргән вәғәҙәңде үтәй алырыңа һин ни өсөн ышана алаһың?
7. Йәһүәнең яратыуы өсөн рәхмәтле бул
Йәһүәнең һине ни тиклем ныҡ яратҡаны тураһында күберәк уйланған һайын, һинең уға булған рәхмәт хисең һәм уға мәңге хеҙмәт итергә теләгең көсәйер. Зәбур 40:5-те уҡы һәм яуап бир:
Һин Йәһүәгә айырыуса нимә өсөн рәхмәтле?
Иремия пәйғәмбәр Йәһүәне һәм уның Һүҙен яратҡан. Ул Йәһүәнең исемен йөрөтөү хөрмәтен ҡәҙерләгән. Ул былай тигән: «Һинең һүҙең минең өсөн һөйөнөү һәм күңел шатлығы булып китте, сөнки мин һинең исемеңде йөрөтәм, эй Ғәскәрҙәр Аллаһы Йәһүә» (Иремия 15:16). Һорауҙарға яуап бир:
Ни өсөн Йәһүә шаһиты булыу — ҙур хөрмәт?
Һин, һыуға сумдырылып, Йәһүә шаһиты булып китергә теләйһеңме?
Һиңә был аҙымды яһарға берәй нимә ҡамасаулаймы?
Нисек уйлайһың, был маҡсатҡа өлгәшер өсөн һиңә тағы нимә эшләргә кәрәк?
ҠАЙҺЫ БЕРӘҮҘӘР БЫЛАЙ ТИ: «Һыуға сумдырылыу — үтә ҙур яуаплылыҡ. Мин булдыра алмаҫмын».
Һиңә был хистәр танышмы?
ТӨП ФЕКЕР
Йәһүә һиңә һыуға сумдырылырға ҡамасаулаған бөтә кәртәләрҙе еңергә ярҙам итәсәк.
Ҡабатлау
Һыуға сумдырылыр өсөн Изге Яҙманы ни тиклем яҡшы белергә кәрәк?
Һыуға сумдырылыр алдынан һиңә тормошоңда ниндәй үҙгәрештәр яһарға кәрәк?
Ни өсөн был аҙымды яһарға ҡурҡырға кәрәкмәй?
ӨҪТӘМӘ МӘҒЛҮМӘТ
Һыуға сумдырылырға һине нимә дәртләндерергә тейеш икәнен бел.
«Һеҙ һыуға сумдырылырға әҙерме?» («Күҙәтеү манараһы», 2020 йыл, март)
Һыуға сумдырылырға нимә ҡамасаулай алғанын һәм шул кәртәләрҙе нисек еңеп булғанын бел.
«Һыуға сумдырылырға миңә нимә ҡамасаулай?» («Күҙәтеү манараһы», 2019 йыл, март)
Бер ир һыуға сумдырылыр өсөн ниндәй кәртәләрҙе еңеп сыҡҡанын ҡара.
Тәүҙә Ата исемле ир кеше, һыуға сумдырылырғамы, юҡмы, тип икеләнгән. Уға был мөһим аҙымды яһарға нимә ярҙам иткәнен ҡара.