34-СЕ ДӘРЕС

Йәһүәне яратҡаныбыҙҙы нисек күрһәтеп була?

Баҫтырылған формат

Изге Яҙманы өйрәнә башлағандан бирле үҙеңдең Аллаға яҡыныраҡ булып киткәнеңде һиҙәһеңме? Уның менән дуҫлығыңды артабан да нығытырға теләйһеңме? Улайһа, шуны онотма: һин Йәһүәне нығыраҡ яратҡан һайын, ул да, һинең яратыуыңды күреп, һине нығыраҡ яратыр һәм һинең хаҡта ҡайғыртыр. Алланы яратҡаныңды нисек күрһәтеп була?

1. Йәһүәне яратҡаныбыҙҙы нисек күрһәтеп була?

Аллаға буйһоноп, беҙ уны яратҡаныбыҙҙы күрһәтәбеҙ. (1 Яхъя 5:3-тө уҡы.) Ул бер кемде лә үҙенең ҡанундары буйынса йәшәргә мәжбүр итмәй. Киреһенсә, ул һәр беребеҙгә уны тыңлап йәшәргәме, юҡмы икәнен һайларға мөмкинлек бирә. Йәһүә ни өсөн шулай эшләй? Сөнки ул беҙҙең үҙенә ихлас күңелдән буйһоноуыбыҙҙы теләй (Римдарға 6:17). Ул, шулай эшләргә кәрәк, тигәнгә түгел, ә уны яратҡанға тыңлаусан булыуыбыҙҙы теләй. Ошо китаптың 3-сө һәм 4-се өлөштәренән һин Аллаға оҡшағанды эшләргә һәм уны көйөндөргән нәмәләрҙе кире ҡағырға өйрәнерһең.

2. Ни өсөн ҡайһы саҡта Йәһүәгә тыңлаусан булыу еңел түгел?

Изге Яҙмала: «Тәҡүә кешенең михнәттәре күп», — тип әйтелә (Зәбур 34:19). Һәр беребеҙҙең етешһеҙлектәре һәм көсһөҙ яҡтары бар. Өҫтәүенә, беҙҙең матди ауырлыҡтар, ғәҙелһеҙлек йәки башҡа проблемалар менән осрашыуыбыҙ ихтимал. Ауырлыҡтарға дусар булғанда, Йәһүә ҡушҡанды эшләү еңел булмаҫҡа мөмкин, сөнки үҙеңсә эшләү күпкә еңелерәк. Әммә, Йәһүәгә тыңлаусан булып, һин уны барыһынан да нығыраҡ яратҡаныңды күрһәтәһең. Шулай итеп һин Аллаға тоғро булыуыңды иҫбатлайһың. Яуап итеп ул да һиңә тоғро булыр. Ул һине бер ҡасан да ташламаҫ. (Зәбур 4:3-тө уҡы.)

КҮБЕРӘК БЕЛ

Йәһүәнең тыңлаусанлығыңды ни өсөн ҡәҙерләгәнен һәм тоғролоғоңдо һаҡларға һиңә нимә ярҙам итә алғанын бел.

3. Һиңә лә ҡағылған һорау

Әйүп китабынан белеүебеҙсә, Шайтан Әйүпкә генә түгел, ә Йәһүәгә хеҙмәт итергә теләгән бөтә кешеләргә лә ғәйеп ташлаған. Әйүп 1:1, 6—2:10-ды уҡы, шунан һуң һорауҙарға яуап бир:

Шайтандың һүҙҙәре буйынса, Әйүп Йәһүәгә ни өсөн буйһонған? (Әйүп 1:9—11-ҙе ҡара.)
Шайтан бөтә кешеләрҙе, шул иҫәптән һине, нимәлә ғәйепләй? (Әйүп 2:4-те ҡара.)

Әйүп 27:5б-ны уҡы һәм яуап бир:

Әйүп Йәһүәне ысын күңелдән яратҡанын нисек күрһәткән?

Шайтан Йәһүәне ғәйепләй. Ул Әйүптең сафлығын шик аҫтына ала; Әйүп эренле шештәр менән ҡапланған; Шайтан шулай уҡ бөгөнгө көндәрҙә Йәһүәгә хеҙмәт иткән апай-ҡәрҙәштең этәргес ниәттәрен шик аҫтына ала. — Әйүп Йәһүәгә тоғро ҡалып уны яратҡанын күрһәткән

Йәһүәгә тоғро булһаҡ, уны яратҡаныбыҙҙы күрһәтербеҙ

4. Йәһүәнең йөрәген һөйөндөр

Ғибрәтле һүҙҙәр 27:11-ҙе уҡы, шунан һуң һорауҙарға яуап бир:

Һин аҡыл менән эш иткәндә һәм Йәһүәне тыңлағанда, ул нимә хис итә? Ни өсөн?

5. Һин Йәһүәгә тоғро булып ҡала алаһың

Йәһүәгә ҡарата яратыу беҙҙе уның тураһында башҡаларға һөйләргә дәртләндерә. Ҡайһы саҡта быны эшләү еңел булмаҫҡа мөмкин, әммә Йәһүәгә тоғролоҡ бирешмәҫкә ярҙам итер. ВИДЕОЯҘМАНЫ ҡара һәм һорауҙарға яуап бир:

ВИДЕОЯҘМА: «Ҡаршылыҡтарға ҡарамаҫтан иманыңды яҡла» (5:09)

Һиңә башҡаларға Йәһүә хаҡында һөйләү ауырмы?
Грейсонға үҙ ҡурҡыуын еңергә нимә ярҙам иткән?

Йәһүә яратҡанды яратһаҡ һәм ул нәфрәт иткәнде нәфрәт итһәк, уға тоғро булып ҡалыу еңелерәк булыр. Зәбур 97:10-ды уҡы һәм һорауҙарға яуап бир:

Алған белемдәреңә нигеҙләнеп, һин нисек яуап бирер инең: Йәһүә нимәләрҙе ярата? Ә нимәләрҙе нәфрәт итә?
Йәһүә яратҡанды яратырға һәм ул нәфрәт иткәнде нәфрәт итергә нисек өйрәнергә?

6. Йәһүәне тыңлау файҙа килтерә

Йәһүә ҡушҡанды эшләү — беҙҙең өсөн иң яҡшыһы. Ишағыя 48:17, 18-ҙе уҡы һәм яуап бир:

Йәһүәнең беҙгә иң яҡшыһын теләгәненә ышанаһыңмы? Ни өсөн?
Изге Яҙманы өйрәнеү һәм хаҡ Алла, Йәһүә, тураһында белем алыу һиңә инде хәҙер ниндәй файҙа килтерҙе?

ҠАЙҺЫ БЕРӘҮҘӘР БЫЛАЙ ТИ: «Алланың миндә ҡайғыһы юҡ».