Һәр нәмәлә намыҫлы бул

Һәр беребеҙ дуҫтарыбыҙҙың намыҫлы булыуын теләй. Йәһүә лә үҙ дуҫтарынан намыҫлы булыуҙарын көтә. Әммә бер-береһен алдап йәшәгән кешеләр араһында намыҫлы булып ҡалыу еңел түгел. Һәр нәмәлә намыҫлы булыуҙың файҙаһы ниндәй?

1. Намыҫлы булыуҙың төп сәбәбе ниндәй?

Барыһы менән дә намыҫлы булғанда, беҙ Йәһүәне яратҡаныбыҙҙы һәм хөрмәт иткәнебеҙҙе күрһәтәбеҙ. Уйлап ҡына ҡара: Йәһүә бөтә уйҙарыбыҙҙы һәм эштәребеҙҙе күреп тора! (Еврейҙарға 4:13). Намыҫлы эш итеүебеҙ уның күҙ уңынан ысҡынмай, һәм ул быны бик ҡәҙерләй. Уның Һүҙендә: «Мәкерле кешеләрҙән Йәһүә ерәнә бит, ә намыҫлылар — уның яҡын дуҫтары», — тиелгән (Ғибрәтле һүҙҙәр 3:32).

2. Көндәлек тормошта нисек намыҫлы булырға?

Йәһүә беҙҙең бер-беребеҙгә дөрөҫөн һөйләүебеҙҙе теләй (Зәкәриә 8:16, 17). Был нимәне аңлата? Беҙ туғандарыбыҙҙы, хеҙмәттәштәребеҙҙе, ҡәрҙәштәребеҙҙе һәм хакимиәт кешеләрен алдамаҫбыҙ һәм уларға факттарҙы боҙоп һөйләмәҫбеҙ. Намыҫлы кешеләр алдамай һәм урламай. (Ғибрәтле һүҙҙәр 24:28 һәм Ефестарға 4:28-ҙе уҡы.) Улар бөтә һалымдарҙы ваҡытында түләп бара (Римдарға 13:5—7). Тормошобоҙҙоң һәр өлкәһендә беҙ «үҙебеҙҙе бар яҡтан намыҫлы тоторға теләйбеҙ» (Еврейҙарға 13:18, ЯДТ).

3. Намыҫлы булыуҙың файҙаһы нимәлә?

Намыҫлы кеше булһаҡ, беҙгә ышанырҙар. Йыйылышта бөтәһе лә намыҫлы булғанда, беҙ үҙебеҙҙе ысын ғаиләлә кеүек тоябыҙ. Берәйһенән алданырбыҙ, тип ҡурҡмайбыҙ. Шулай уҡ намыҫлы булыу беҙгә саф выждан бирә. Өҫтәүенә, беҙҙең намыҫлылыҡ «Ҡотҡарыусыбыҙ Алла тәғлимәтенең күркәмлеге булып» тора һәм кешеләрҙе хәҡиҡәткә йәлеп итә (Титҡа 2:10).

КҮБЕРӘК БЕЛ

4. Намыҫлы булыуыбыҙ Йәһүәне һөйөндөрә

Зәбур 44:21 һәм Малахи 3:16-ны уҡы һәм ошо һорауҙарға яуап бир:

• Ни өсөн, дөрөҫөн йәшереп була, тип уйлау аҡылһыҙ?

• Ауыр булһа ла дөрөҫөн әйтһәк, Йәһүә нимә хис итә?

5. Үҙеңде һәр нәмәлә намыҫлы тот

ВИДЕОЯҘМА: «Ысын ҡыуанысҡа өлгәшергә нимә ярҙам итә? Таҙа намыҫ» (2:32)

Еврейҙарға 13:18-ҙе уҡы һәм үҙеңде нисек намыҫлы тота алыуың тураһында уйла:

• ғаиләлә;

• эштә йә мәктәптә;

• башҡа осраҡтарҙа.

6. Намыҫлылыҡ беҙгә файҙа килтерә

Намыҫлылыҡ тормошто ауырлаштыра кеүек тойолорға мөмкин, әммә ахыр сиктә ул фатихалар ғына килтерә. Зәбур 34:12—16-ны уҡы һәм яуап бир:

• Намыҫлы булыуҙың ниндәй файҙаһы бар?

1. А. Намыҫлы ирҙәр һәм ҡатындар никахтарын нығыта

2. Б. Намыҫлы эшсе ышаныс яулай

3. В. Намыҫлы граждандар хакимиәт кешеләре алдында яҡшы исем ҡаҙана

ТӨП ФЕКЕР

Йәһүә үҙ дуҫтарының эштә лә, һүҙҙә лә һәр ваҡыт намыҫлы булыуҙарын теләй.

Ҡабатлау

• Кешенең намыҫлы булыуы нимәнән күренә?

• Ни өсөн, дөрөҫөн йәшереп була, тип уйлау аҡылһыҙ?

• Ни өсөн һин һәр ваҡыт намыҫлы булырға теләйһең?

ӨҪТӘМӘ МӘҒЛҮМӘТ

Ата-әсәләр үҙ балаларын намыҫлы булырға нисек өйрәтә ала?

«Намыҫлы бул» (1:44)

Ни өсөн һүҙеңде тотоу файҙа килтерә?

«Йәһүә үҙ һүҙен тотҡандарҙы фатихалай» (9:09)

Һалымдар дөрөҫ ҡулланылмаһа ла, ни өсөн беҙ уларҙы түләргә тейеш?

«Һалымдар. Уларҙы түләргә кәрәкме?» («Күҙәтеү манараһы», 2011 йыл, 1 сентябрь)

Бер кешегә тормошон үҙгәртергә һәм намыҫлы булып китергә нимә ярҙам иткән?

«Мин Йәһүәнең мәрхәмәтле һәм кисерергә әҙер булыуын аңланым» («Күҙәтеү манараһы», 2015 йыл, 1 май)