Өйрәнеү өсөн уңайлы шарттар булдырығыҙ

Һеҙ шәхси өйрәнеүҙең файҙалы булыуын теләр инегеҙме? Иғтибарығыҙҙы тупларға еңел булһын өсөн, уңайлы шарттар булдырығыҙ. Бына бер нисә кәңәш:

• Уңайлы урын һайлағыҙ. Мөмкин булһа, таҙа, күп әйберҙәр ҡамасауламаған, яҡты урын табығыҙ. Өйҙә өҫтәл артында йә саф һауала уңайлы итеп урынлашырға була.

• Бер үҙегеҙ генә ҡалырға тырышығыҙ. Ғайса «иртән иртүк» тороп, «аулаҡ урынға китеп» доға ҡылған (Марк 1:35). Үҙегеҙ генә ҡала алмаһағыҙ, үҙ туғандарығыҙға йә бергә йәшәгән кешеләргә һеҙ ҡасан өйрәнергә йыйынғанығыҙҙы әйтегеҙ. Шул саҡ улар быны иҫәпкә алып, һеҙгә ҡамасауламаҫ.

• Иғтибарығыҙҙы ситкә йүнәлтмәгеҙ. Әгәр өйрәнеү үткәргәндә телефон йә планшет менән ҡулланһағыҙ, улар һеҙгә ҡамасауламаһын өсөн, иҫкәртеүҙәрҙе һүндерегеҙ йә самолет режимына күсерегеҙ. Уҡығанда берәй мөһим эште иҫкә төшөрһәгеҙ, уны һуңыраҡ хәл итер өсөн, яҙып ҡуйығыҙ. Иғтибарығыҙҙы йүнәлтергә ауыр булһа, тәнәфес эшләп, йөрөп йә күнегеүҙәр яһап алығыҙ.