BAGIAN 3

Kéngkén Laadné Kaidupan di Pirdaus Ento?

Adam lan Hawa liu nerima merta uli Yehuwa. Purwakaning Dadi 1:28

Sasampune Yehuwa ngardi Hawa, Ida maicayang ipun kapening Adam

Yehuwa nyiptaang anak eluh kapertama, adanné Hawa. Ida ngemaang Hawa apang dadi kurenanné Adam.—Purwakaning Dadi 2:21, 22.

Yehuwa nyiptaang ipun ngelah pikiran lan tubuh ané sampurna, tusing ada cacadné.

Adam lan Hawa nyingak ke Pirdaus, ka umahne

Ipun ngoyong di Pirdaus atau taman Eden—tongos ané asri, ditu ada tukad, liu punyan buah-buahan lan liu beburon.

Ipidan, Yehuwa langsung ngomong tekén ipun lan ngajahin ipun. Yéning ipun nyak ningehang Ida, ipun lakar terus idup di gumi Pirdaus.

Tuhan ngelarang ipun naar buah uli punyan buahé ané ada di tengah tamané. Purwakaning Dadi 2:16, 17

Punyan kayu ring tamane sane Yehuwa sampun prentahang kapening Adam lan Hawa mangda ten pisan ajenga buahne

Yehuwa nunjukang tekén Adam lan Hawa unduk punyan buah ané ada di tengah tamané. Ida ngorahang yén ipun naar buahé ento, ipun lakar mati.

Malaekat ane drowaka, Setan I Iblis, ngangge ula anggone ngomong tekening I Hawa

Ada malaékat ané memberontak tekén Tuhan. Malaékat jaat ento kaadanin Setan si Iblis.

Setan tusing demen yén Adam lan Hawa taat tekén Yehuwa. Akhirné, Setan nganggon lelipi buat melog-melogin Hawa. Ia ngorahang yén Hawa naar buah uli punyanné ento ia tusing lakar mati, kéwala ia bisa patuh buka Tuhan. Pastiné, ento tusingja beneh.—Purwakaning Dadi 3:1-5.