7 “‘Mbén i sesema inyu hô hihôha+ ini: I yé yom i nlôôha pubhaga. 2 Ba ga nol sesema inyu hô hihôha i homa ba nôlôl bisesema bi ntul i hié, ba nlama ki nwes matjél+ mé mu bipes gwobisôna bi juu li bisesema.+ 3 Prisi i ga lona mahoñ+ mé momasôna, hala wee nwel u u gwé mahoñ, mahoñ ma ma nhô minla, 4 ni ditam tjé tjo diba lôñni mahoñ map, ma ma yé bebee ni bôbôk. I ngéda a ga héya ditam,+ a ga héya ki lihoñ li li yé i ngii libaa.