20 Ha nyen Naômi a kal nkiya wé le: “Yéhôva, nu a ntéñbe i unda bayômi ni bawoga+ gwéha yé, a sayap i mut nu.” Naômi a kônde ki kal le: “I mut nu, a yé mut wés lihaa.+ A yé nkobol*+ wés wada.”

4 Jon me nhoñol le me nlama yis we hala, me kal ki we le: ‘Somb wo i bisu bi bôt ba tison ni mimañ+ mi litén. Ibale u ngwés kobol wo, wee koblak wo. Ndi ibale u ngwés bé, kal me, le ndi me yi, inyule wen u gwé kunde i kobol+ wo, me me nlo we i mbus.’” I mut nu a timbhe le: “M’a kobol wo.” 5 Ndi Bôas a kal le: “Yi le i kel u nsomb hisi hi yak Naômi, u nlama ki somb hio yak Ruth, ngond Môab, nwaa lôñ mut, inyu boñ le jôl li lôñ mut li lém bañ i bum+ yé.” 6 Kiki nkobol a nok hala, a kal le: “Me ta bé le me kobol i bum i, tiga le me tjé bum yem. Koblak yo, me nti we kunde yem,* inyule me ta bé le me kobol yo.”