19 Ndik baa banan ni bon banan ni bilém binan (me nyi le ni gwé ngandak bilém) bon ba ga yégle mu bitison me bi ti bé, 20 letee Yéhôva a ti lôkisoñ nan noi kiki a bi boñ inyu nan, yak bo ba yoñ i loñ Yéhôva Nyambe nan a ga ti bo ii pes i Yordan. I mbus hala nyen hiki wada nan a ga témb i nkoñ me bi ti nye.’+

14 Baa banan ni bon banan ba ga yégle,* yak bémba nan i ga yégle munu loñ Môsi a bi ti bé nyono ini pes* i Yordan;+ ndi bébobasôna ba ni yé mimpémba mi bôt ba gwét,+ ni ga yap i bisu bi lôkisoñ nan, ni bak ntjegek kiki mintôñ mi gwét. Ni nlama hôla lôkisoñ+ nan 15 letee Yéhôva a ti bo noi nlélém kiki a bi ti bé yo, letee yak bo ba yoñ nkoñ u Yéhôva Nyambe a nti bo. Ha nyen ni ga témb mu nkoñ ni bi kôhna, ni yén ki mu; mu nkoñ Môsi, ngwélél Yéhôva, a bi ti bé i pes likôl i Yordan.’”+

8 Pes yada i litén li Manasé, ni Lôk Ruben ni Lôk Gad ba bi mal yoñ ngababum yap, i Môsi a bi ti bo nyoo uu ngwañ u Yordan i pes likôl, inoñnaga ni kiki ngwélél Yéhôva le Môsi a bi kap, a ti bo:+