31 “M’a téé minwaa nwoñ ibôdôl i tuye Nkôibaga letee ni tuye nu loñ Filistia, ibôdôl i ñoñ letee ni i Lom,*+ inyule m’a ti bôt ba loñ i moo moñ; u ga luhul ki bo i bisu gwoñ.+ 32 U nlama bé boñ malômbla ni bo, to ni banyambe+ bap. 33 Ba nlama bé yééne mu loñ yoñ, tiga le ba tinde we i boñ béba ikolba me. Ibale u ngwélél banyambe bap, hala a ga yilna toi we hiandi.”+

3 U nlama bé biina lôñni mo. U tinak bañ bon bap bôlôm bingond gwoñ, u yoñok bañ to bingond gwap inyu bon boñ bôlôm.+ 4 Inyule ba ga tinde bon boñ bôlôm le ba kôm me mbus, ba gwélél ki banyambe bape;+ ha nyen Yéhôva a ga unbene we, a pala ki tjé+ we.

12 “Ndi ibale ni nkôm Nyambe mbus, ni bana maada ni matén ma ma ngi yii+ ni bé munu loñ, ni biiba+ ni bo,* ni bana ki maada ni bo, ndi yak bo ba bana maada ni bé, 13 wee ni ba nkwoog nkaa le, Yéhôva Nyambe nan a’ luhul ha bé i matén mana* inyu nan.+ I matén mana ma ga yila kédi ni hiandi, ma yila ki hisôô inyu tjeñ+ dinan ni biloo inyu mis manan, letee ni tjiba munu loñge loñ Yéhôva Nyambe nan a bi ti bé.

2 Ni nlama bé boñ malômbla ni bôt ba nyééne munu loñ+ ini, ni nlama bôk muu map ma bisesema.’+ Ndi ni bi nôgôl+ bé me. Inyuki ni bi boñ hala? 3 Jon yak me, me bi kal le: ‘M’a luhul bé bo i bisu binan,+ b’a yilna bé hiandi,+ banyambe+ bap b’a yoña bé.’”