28 Bon ba Israel bobasôna ba bé ikété limut li bé éga nkuu Malômbla u Yéhôva, ba leñek diléla,+ ba hemek hioñ ni sép,+ ba kôdôk bibende bi mamuna, ba kôdôk ki bikôkôda bi manganda makeñi lôñni diluñ.+

12 bon ba Lôk Lévi bobasôna ba ba bé batôp tjémbi,+ ba bak isi énél i Asaf,+ Héman,+ Yédutun,+ ni bon bap, yak ni lôkisañ yap, ba bé ba hééba mambot ma loñge libadô, ba bak ba gwé bibende bi mamuna, bikôkôda bi manganda ni diluñ; ba bé ba téé i pes likôl i juu li bisesema, 120 biprisi i bak i téé bo ipañ; i hemek sép.+

6 Biprisi bi bé bi tééne i bahoma ba ngwel nson, bon ba Lôk Lévi ba bak ba bééga bikôkôda inyu tubul Yéhôva+ tjémbi. (Kiñe David a bi bañ bikôkôda bi inyu ti Yéhôva mayéga “inyule loñge yé ñem* i nom mba ni mba,” i ngéda David a bé bégés Nyambe lôñni bo.*) Biprisi bi bé hem sép+ makeñi i bisu bi bon ba Lôk Lévi, bon ba Israel bobasôna ba bak ba téé.

10 I ngéda bôt ba maoñ ba bi mal tek hikuu hi témpel Yéhôva,+ ha nyen biprisi bi bi telep, bi bak bi hééba mambot map ma nson, bi ban-ga sép;+ yak Lôk Lévi, hala wee bon ba Asaf, ba telep ni bibende bi mamuna i moo inyu ti Yéhôva bibégés inoñnaga ni biniigana kiñe Israel+ le David a bi yék.