32 Ndi to hala, ni bi hémle bé Yéhôva Nyambe+ nan, 33 nu a bé bôk i bisu binan mu njel inyu yiñil bé liyééne. A bé pémél bé ni juu kiki hié, a pémlak bé njamuha kiki ond inyu unda bé njel ni nlama kil.+

3 ba kal bôt le: “I ngéda ni ga tehe biprisi+ le Lôk Lévi bi bééga nkuu Malômbla u Yéhôva Nyambe nan, nyodna i homa ni yé, ni noñ wo. 4 Liké li ga ba ipôla bé ni nkuu Malômbla, li nlama ba bebee le 2 000 di dikéñéé di moo;* ni lôôha bañ tiige wo bebee, inyu boñ le ni yi imbe njel ni nlama kil, inyule ni yé ngi lôô mu njel i.”