16 “‘Ibale sesema i likébla jé i yé likak+ a bi ti tole i yé likébla ñem wé u ntinde nye i ti,+ i ga jéba i kel a nti sesema yé; i yom i ga yégle mu, i ga jéba i kel i noñ ha.

18 “Pôdôs Arôn ni bon bé bôlôm, lôñni bon ba Israel bobasôna, u kal bo le: ‘I ngéda man Israel tole nkén mut a nlona Yéhôva sesema i ntul i hié+ inyu yônôs mimbônga nwé, tole inyu ti ngim likébla ñem u ntinde nye i ti;+ 19 ibale a nyéñ lémél Nyambe, a nlama lona nlôm lém+ nu a gwé bé lem yo ki yo, a lôlak mu liuñ li nyaga, mu bon ba mintômba tole mu kembee.

21 “‘Ibale mut a nlona Yéhôva sesema+ inyu kôp nsañ, inyu yônôs mbônga wé tole inyu ti ngim likébla ñem wé u ntinde nye i ti; ibale a nyéñ lémél Nyambe, a nlama lona lém i i gwé bé lem yo ki yo, i lôlak mu liuñ li nyaga, tole mu bémba i mintômba. Lém i nlama bé bana lem yo ki yo.