30 Ndi Sihôn, kiñe Hesbôn, a bi nwas bé le di tagbe, inyule Yéhôva Nyambe nan a bi nwas nye le a bana ño mbe+ ni nledek ñem inyu boñ le a sem nye i moo manan, kiki a bi boñ.+

31 “I mbus, Yéhôva a kal me le: ‘Nun-ki, me mbôdôl sem Sihôn ni loñ yé i moo moñ. Bôdôl yoñ loñ+ yé.’ 32 I ngéda Sihôn a bi lo ni bôt bé bobasôna i jôs bés i Yahaz,+ 33 Yéhôva Nyambe wés a bi sem nye i moo més, kayéle di yémbél nye ni bon bé lôñni bôt bé bobasôna. 34 Ha ngéda i, di bi yoñ bitison gwé gwobisôna, di tjé gwo, yak ni bôlôm, bôda ni boñge. Mut to wada a bi pei+ bé. 35 Di bi yoñ ndik bilém gwap, ni nkus u bé ikété bitison di bi kadal.

7 I ngéda ni bi sôk ni pam hana i homa nunu, kiñe Hesbôn+ le Sihôn bo kiñe Basan+ le Og ba bi lo i jôs bés gwét, ndi di bi yémbél+ bo.

19 “‘I mbus, bon ba Israel ba bi om balegelnwin yak Sihôn, kiñe Lôk Amôr, nu a bé ane i Hesbôn, bon ba Israel ba kal nye le: “Soho, nwas bés di lôô i loñ yoñ letee di pam i homa+ di nke.” 20 Ndi Sihôn a bi neebe bé le bon ba Israel ba lôô i nkoñ wé inyule a bé bôdôl bé bo ñem, Sihôn a bi kot ntôñ wé gwét wonsôna, a téé wo i Yahaz, a leñ bon ba Israel+ gwét.