14 Yéhu,+ man Yéhôsafat, a kahal uune Yéhôram jimb.

Yéhôram ni ntôñ gwét u Israel wonsôna ba ke i Ramôt-Giléad,+ inyu sôñ Israel i moo ma Hazael,+ kiñe Siria.

24 Yéhu a yoñ mpihlôñgô wé, a leñ Yéhôram likoñ, li jôp ipôla bituu gwé, li pémél i ñem wé, a kwo mu kak yé gwét.

6 Ha nyen Yéhu a bi tilna bo kaat i nyônôs iba, a kal le: “Ibale ni yé i pes yem, ibale ni yé ki bebee i nôgôl me, wee ni lona me miño mi bon bôlôm ba nwet nan; ñ, ni lona me nwo yani i Yézréel i nya ngeñ ini.”

Ha ngéda i, bañga bôt i tison yon i bé néñés 70 ma bon bôlôm ba kiñe. 7 Ndik kiki i bôt bana ba bi kôhna kaat, ba yoñ i 70 ma bon bôlôm+ ba kiñe ba, ba nol bo, ba ha miño nwap ikété bisel, ba om nwo i Yézréel.

23 I mbus, Yéhu a jôp i ndap Baal lôñni Yônadab,+ man Rékab; a kal babégés Baal le: “Tiblana yaga wan i homa nunu, le mbégés Yéhôva to wada a ba bañ hana, ndik babégés Baal.”

25 Ndik kiki a mal ti bisesema bi ntul hié, Yéhu a kal batat* ni bahôla baane ba ntôñ gwét le: “Jôba, nola bo! Ni nwas bañ le to wada a so!”+ Ha nyen batat ni baane ba mintôñ mi gwét ba bi nol bo ni pansoñ, ba leñ bo i mbégdé; ba ke letee ni i homa mpubhaga* nu a yé ikétékété ndap Baal.