5 Inyu hala nyen, Yéhôva Nyambe wé a bi sem nye i moo ma kiñe Siria,+ kayéle bôt ba Siria ba yémbél nye, ba gwel ngandak bôt, ba kena bo i minkôm i Damaskô.+ Nyambe a bi sem ki nye i moo ma kiñe Israel, nu a bi yémbél nye gwét, a nol ki ngandak bôt. 6 Péka+ man Rémalia a bi nol 120 000 bôt i Yuda kel yada, bobasôna ba bé bilôs bi bôt; inyule bôt ba Yuda ba bi tjôô Yéhôva Nyambe nu basôgôlsôgôl+ bap. 7 Yak njogwét wada le Zikri, man Lôk Éfraim, a bi nol Maaséya lok i kiñe, Azrikam nu a bé éga mam i yale* kiñe, ni Elkana nu a bé mut nu yônôs iba i mbus kiñe. 8 Bon ba Israel ba bi kena ki 200 000 i bilôk bisañ gwap i minkôm, bôda, bon bôlôm ni bon bôda; ba yoñ ki ngandak nkus, ba kena wo i Samaria.+