31 U nlama bé bégés Yéhôva Nyambe woñ hala, inyule bôt ba biloñ bini ba bé bôñôl banyambe bap mam ma nsuñgaha ñem le Yéhôva a ñoo, ba lighak yak bon bap bôlôm ni ba bôda i hié inyu banyambe+ bap.

16 I nwii mi nyônôs 17 mi ane i Péka, man Rémalia, Ahas+ man kiñe Yuda le Yôtam, a yila kiñe.

3 A bi noñ béba ndémbél i bikiñe bi Israel,+ a ligis yak man wé nu munlôm i hié,+ a boñok mam ma nsuñgaha ñem kiki matén+ mape Yéhôva a bi luhul mu loñ inyu ti yo bon ba Israel.

17 Ba bé ligis bon bôlôm bap ni bon bôda bap i hié,+ ba bé bo ngambi, ba boñok makañ,+ ba nai ki ni* boñ mam mabe i mis ma Yéhôva inyu unbaha nye.

18 Jon Yéhôva a bi lôôha unbene bon ba Israel, kayéle a kôm bo mbus.*+ A yék litén li Yuda jotama mu loñ.

30 Yéhôva a nkal le: ‘Litén li Yuda li mboñ mam ma yé mabe i mis mem. Ba bi téé bisat gwap bi nyega ikété ndap i bééga jôl jem inyu hindis yo.+ 31 Ba bi oñ bahoma ba nyôgi i Tôfet, nu a yé mu nsôsôgô u man Hinom;*+ inyu ligis bon bap bôlôm ni bon bap bôda,+ me bi ti bé bo oda le ba boñ i jam li, li bi lo bé to me i mahoñol.’*+

20 To; ndi me nkal le i bisesema biloñ bipe bi nsem, bi nsémél gwo mimbuu mimbe ndi ha Nyambe bé;+ ndi me gwé bé ngôñ le ni bana maada ni mimbuu mimbe.+