26 U ntéñbe ni nu a ntéñbe+ ni we;
u yé ngi nsohi ni nu a yé ngi nsohi;+
27 u yé mpubi+ ni ba ba yé bapubi,
ndi ni mut mandon, u ñunda le u yé mut likeñge.+
28 Inyule u ntohol bôt ba suhulnyuu,+
ndi u nkolba bôt ba ngôk, u nwéha ki bo nyuu.+
29 Inyule u yé lambe yem, a Yéhôva;+
Yéhôva nyen a nyilha jiibe+ jem mapubi.
30 Ni mahôla moñ, me nla jôs ntôñ u mintonba;
ni ngui Nyambe, me nla pind lipénd.+
31 Maboñok ma bañga Nyambe ma yé peles;+
bañga i Yéhôva i yé pubi.+
A yé ben inyu ba bobasôna ba nsolbene i nyeni.+