21 Ha nyen Yéhôva a bi om añgel, i sas mimpémba mi bajogwét+ ba kiñe Asiria nwominsôna, yak bisônda bikeñi ni baane; kayéle kiñe Asiria i huu i loñ yé ni hison. I mbus, a jôp i ndap* nyambe wé, nyoo nyen bon bé bahogi ba bi nôlôl nye ni pansoñ.+ 22 Hala nyen Yéhôva a bi tohol Hézékia ni bôt ba Yérusalem i moo ma Sénakérib ni i moo ma baoo bap bobasôna, a ti ki bo noi bipes gwobisôna.

36 Añgel i Yéhôva i ke i homa bôt ba gwét ba Asiria ba bééne, i nol 185 000 bôt ba gwét ba Asiria. I ngéda bôt ba bi telep kegla tutu, ba koba mim mi béhi ’isi.+ 37 Jon Sénakérib, kiñe Asiria, a bi ke ngwéé; a témb i Ninivé,+ a yén nyoo.+