20 I dilo di, Hézékia a kwo kon, a bak bebee ni nyemb.+ Mpôdôl Yésaya, man Amôz, a ke i nyeni, a kal nye le: “Lana nyen Yéhôva a nkal: ‘Lagle lihaa joñ,* inyule u ga wo; u ga mbôôp bé.’”+ 2 Kiki a nok hala, Hézékia a hiel su wé i libap li ndap, a kahal soohe Yéhôva, a kal le: 3 “Éé a Yéhôva, soho, me nyemhe we le u bigda le me bi téñbe i gwélél we, me gwélél ki we ni ñem u yôni,* me boñok mam malam i mis+ moñ.” Hézékia a ee ngandak.