24 Ndi i ngéda bôt ba Môab ba bi jôp i homa bon ba Israel ba bé yééne, bon ba Israel ba bôdôl nol bo. Bôt ba Môab ba kahal ke bo ngwéé.+ Ha nyen bon ba Israel ba bi jôp letee ni i nkoñ u Môab, ba kenek, ba nolok bôt ba Môab. 25 Bon ba Israel ba tjé bitison, hiki mut a bé leñ yé ngok mu nwom minlam nwominsôna inyu yônôs nwo ni ngok; ba tjé mangen+ ma malép momasôna, ba kit ki biloñge bi bie+ gwobisôna. Ndik lipénd li ngok li Kir-Hareset+ jon li bi yégle li téé. Ndi baleñ ngok ba kéña i tison i, ba tjé ki yo.

I bôt ba mbiba ndôm, ba ga ee bikoga bi matam ma nkôô wai bi Kir-Hareset.+