5 A bi hek ngii ni likeñge,*+

inyule loñge yé ñem i nom i boga ni boga.

22 Ngo Nyambe a nyééne i ngii ngiiña hisi,+

i bôt ba nyééne hana ’isi ba yé kiki bitandi.

A nsambal ngii kiki libadô li li nehna,

a nhudul ki yo kiki ndap libadô le mut a nyééne.+

12 Nyen a bi hek hisi ni ngui yé,

ni pék yé, a kôôba hisi le hi ti bijek,+

ni yi yé, a sambal ngii.+

13 I ngéda a mpot,

malép ma ngii ma nyiñgha,+

a mbédés ond* i i nlôl i makas ma hisi momasôna.+

A ñep banwegnwek ni nop i nlélém ngéda,*

a mpémhene mbebi mu mandugi mé.+

Hiki ñôô bikei a ga wo nyuu inyu ntjok ôñgba a mbañ;+

inyule ñôôk ôñgba* u yé malôga,

to hép u nhép bé.+

16 Nu a yé ngaba Yakôb a ta bé kiki i gwom bi,

inyule nyen a bi hek gwom gwobisôna,

Israel a yé ntoñgo u ngababum yé.+