30 “I ngéda bibañga bini gwobisôna bi ga yônôl we, hala wee bisai ni ndiihe me mbii i bisu gwoñ,+ u hoñol+ ki gwo* nyoo ikété biloñ gwobisôna i het Yéhôva Nyambe woñ a ga sand+ we, 2 u témb ki yak Yéhôva Nyambe+ woñ, we ni bon boñ, u emble ki kiñ yé ni ñem woñ wonsôna ni niñ*+ yoñ yosôna inyu mam momasôna me yé i kal we i len ini, 3 ha nyen Yéhôva Nyambe woñ a ga kobol bôt boñ ba ba yé i minkôm,+ a kônôl we ngoo.+ Yéhôva Nyambe woñ a ga héya we ikété biloñ gwobisôna i het a bi sand+ we, a témb a kot we.

18 “Ha ngéda i, bôt ba Yuda ba ga kiha lôñni bôt ba Israel;+ ba ga lôl i loñ i ñombok, ba bak lôñ yada, inyu ke i loñ me bi ti basôgôlsôgôl banan le i ba ngababum+ yap.

6 Me ga yoñ ngéda ni bo inyu loñge yap, me ga témbna bo munu loñ ini.+ Me ga boñ le mam ma kee loñge inyu yap, me ga tjé bé bo; me ga bel bo, me ga nup bé bo.+

3 “Inyule dilo di ga lo,” hala nyen Yéhôva a mpot, “le me ga kot bôt ba litén jem ba ba bi ke i minkôm, Israel ni Yuda,”+ hala nyen Yéhôva a nkal, “me ga témbna bo i loñ me bi ti basôgôlsôgôl bap, ba témb ba bôdôl yééne mu.”’”+

37 ‘Me ga yoñ bo nyoo biloñ gwobisôna i het me bi sand bo ikété hiun hiem, liyot jem ni njôô ikeñi,+ me kot bo, me témbna bo hana homa nunu, ba yén ki mu ikété nsañ.+