26 Inyule lôk kéé i Makédônia ni i Akaya i bi kon maséé i ti likébla ni i kap gwom gwap lôñni diyeyeba di yé ipôla bapubhaga i Yérusalem.+ 27 I yé maliga le i lôk kéé i, i bé yaga maséé i boñ hala, ndi to hala, i bééna pil u lôk kéé i* Yérusalem; inyule ibale biloñ bipe bi bi yoñ ngaba i mam ma mbuu ma lôk kéé, wee yak i lôk kéé i, i gwé pil le i gwélél lôk kéé i Yérusalem ni nkus wap.+

6 Handugi hala, i mut ba niiga* bañga i Nyambe a kabna mam malam momasôna lôñni nu a nti nye biniigana bini.*+

15 Ni maliga, bé bôt ba Filipi ni nyi ki le i ngéda ni bi bôk ni nok ñañ nlam i ngéda me bi nyodi i Makédônia, likoda jo ki jo li bi hôla bé me to neebe mahôla mem,* handugi bé botama;+ 16 inyule i ngéda me bé i Tésalônika, ni bi ômle me mahôla ma bé béda me, ha ngélé yada bé, ndi ngélé iba. 17 Hala a ta bé le me yé i yagal likébla, ndi me nyéñ le maboñok manan malam ma bôl i bisu bi Nyambe.*