Masoola Yôhanes a bi kôhna

22 Añgel i unda me lom malép ma niñ,+ a pôbôk kiki kristal, a lôlak i yééne ane Nyambe ni i Man ntômba,+ 2 a kulak i ñemkété nlôm njel nu tison. Bipes bi lom gwo biba bi bééna bie bi niñ, bi numuk matam 12 ngélé hiki nwii, bi tinak matam hiki sôñ. Tjai di bie di bé inyu mbuubaha biloñ.+

3 Ndiihe yo ki yo y’a ba ha bé. Ndi yééne ane i Nyambe ni i Man ntômba+ y’a ba ikété tison, yak minkol nwé mi ga gwélél nye nson mpubhaga; 4 mi ga tehe ki su wé,+ yak jôl jé li ga ba ntilga mu mbom yap.+ 5 To u w’a sude ha bé,+ mi ga bana ha bé ngôñ ni mapubi ma lambe, to ni mapubi ma hiañgaa, inyule Yéhôva* Nyambe a’ béyés mapubi mé i ngii yap,+ mi ga ane ki i boga ni boga.+

6 Añgel i kal me le: “Bibañga bini bi yé maliga,* bi yé ki ntiik;+ ñ, Yéhôva,* Nyambe nu a mpot ni njel bapôdôl,+ nyen a bi ep añgel yé i unda minkol nwé i mam ma nlama bôña ndék ngéda. 7 Nun-ki! Me mpala lo.+ Maséé ni nu a nôgôl bibañga bi mbañ bi nhôôk kaat unu.”+

8 Me Yôhanes, men me bé emble i mam mana, me tehge ki mo. I ngéda me bi emble, me tehe ki mo, me kwo i makôô ma añgel i bé unda me i mam mana le me bégés yo. 9 Ndi i kal me le: “Yoñ yihe! U boñ bañ hala! Me yé ndik we so nkol, ni u lôkisoñ le bapôdôl, ni u bôt bobasôna ba nôgôl bibañga bi nhôôk kaat unu. Bégés Nyambe.”+

10 Añgel i kal ki me le: “U band bañ bibañga bi mbañ bi nhôôk kaat unu, inyule ntéak ngéda u yé bebee. 11 Nu a téé bé sép a kee ni bisu ikété ngitelepsép, yak nu a yé mahindi a kee ni bisu ikété mahindi mé; ndi nu a téé sép a kee ni bisu ikété telepsép, yak nu a yé mpubhaga a kee ni bisu ikété libak lipubhaga.

12 “‘Nun-ki! Me mpala lo, me gwé ki nsaa m’a ti, inyu timbhe hiki mut inoñnaga ni nson wé.+ 13 Men me yé Alfa ni Ôméga,*+ nu bisu ni nu sôk, bibôdle ni lisuk. 14 Maséé ni ba ba njôwa mimbôñgô nwap mi mambot,+ le ndi ba bana kunde i je matam ma bie bi niñ,+ ba bana ki kunde i tagbene i manwemel inyu jôp ikété tison.+ 15 Ngwo* i yéne i mbégdé, yak i bôt ba gwé lem i boñ makañ,* ni bôt ba malal ma nyega,* ni bôt ba manola, ni babégés bisat, ni hiki mut a ngwés bitembee, a ban-ga ki lem i tembee.’+

16 “‘Me Yésu, men me bi ep añgel yem i bôgôl i mam mana mbôgi inyu makoda. Me yé nkañ u David ni mbôda yé,+ me yé ki hiôdôt hi maye ma kel hi hi mbai.’”+

17 Mbuu ni sombo+ ba nke ni bisu i kal le: “Loo!” Yak hiki mut a ñemble, a kal le: “Loo!” Yak hiki mut nyus i gwé, a loo;+ hiki mut a nsômbôl, a yoñ malép ma niñ yañga.+

18 “Me mbok mbôgi inyu hiki mut a ñemble bibañga bi mbañ bi nhôôk kaat unu: ibale mut a nkônde jam munu mam mana,+ Nyambe a’ kônde nye dimala di yé ntilga ikété nhôôk kaat unu;+ 19 ibale mut a nhéya jam ikété bibañga bi nhôôk kaat u mbañ ini, Nyambe a’ héya ngaba yé mu bie bi niñ+ ni mu tison ipubhaga,+ i mam ma yé ntilga ikété nhôôk kaat unu.

20 “Nu a mbok mbôgi inyu mam mana a nkal le: ‘Ñ, me mpala lo.’”+

“Amen! Lok, a Nwet le Yésu.”

21 Konangoo i mbuma ñañ i Nwet le Yésu i ba lôñni bapubhaga.