Tjémbi
74 A Nyambe, inyuki u ntjôô bés i boga ni boga?+
Inyuki u nlôôha unbene mintômba mi bémba yoñ?+
Bigda hikôa Siôn, i het u bé yééne.+
3 Téé makôô moñ mu bahoma ba mal tjiba, tjiba+ yosôna.
Ñoo a bi ôbôs gwom gwobisôna ikété homa mpubhaga.+
4 I homa bôt ba nkodba inyu bégés we,*+ babala boñ ba nleñ diléla le ba nyémbél.
Nyoo nyen ba ntéé mabadô map ma nyuñk kiki biyimbne.
5 Ba bé kiki bôt ba ba ngwélél minkuleñ* ikété put lipan.
6 Ba bi yoñ minkédlak+ mi gwom nwominsôna, ba bôk nwo ni minkuleñ, yak ni minkoñ mi bikei.*
7 Ba bi ha hié i homa woñ mpubhaga.+
Ba nhindis lap yoñ i i bééga jôl joñ, ba bes ki yo ’isi.
8 Bo ni mbôda yap ba bi kal mu miñem nwap le:
“Bahoma bobasôna i het bôt ba nkodba inyu bégés Nyambe* munu loñ ba nlama lighana.”
9 Di ta bé i tehe biyimbne gwés;
mpôdôl a ta ha bé,
mut nye ki nye ipôla yés a nyi bé to imbe ngéda i jam li, li ga nom.
10 A Nyambe, nkolba a ga sol we letee ni ngéda mbe?+
Baa ñoo a ga yan jôl joñ i boga ni boga?+
11 Inyuki u ñôt woo woñ i mbus, woo woñ walôm?+
Héya woo i mpék,* u tjé bo.
12 Ndi Nyambe a yé Kiñe yem ibôdôl kôba,
nyen a ngwel minson mi tohi hana ’isi.+
13 Ni ngui yoñ, u bi pa tuye;+
u kok miño mi bibéba bi binuga bikeñi bi tuye.
14 U bi nyugut miño mi Léviatan;*
u ti yo le i ba bijek bi bôt ba litén, bijek bi bôt ba nyééne i ñoñ.
16 Njamuha i yé yoñ; yak u, u yé woñ.
U bi hek mapubi ni hiañgaa.+
18 Éé a Yéhôva, bigda bisol bi ñoo woñ,
bigda lelaa bijôñ bi bôt bi nti bé jôl joñ lipém.+
19 U ti bañ kukuu woñ* i moo ma binuga bi bikai.
U hôya bañ litén joñ* li ba ntééñga i boga ni boga.
20 Hoñol malômbla u bi boñ ni bés,
inyule bahoma ba jiibe ba hisi ba yôni ni bôt ba bisañ ba ba nyééne mu.
21 I mut ba ntét a témb bañ ni wonyuu!+
Yañga mut ni hiyeyeba ba bégés jôl joñ!+
22 A Nyambe, telep, u kaa hop woñ.
Hoñol kiki bijôñ bi bôt bi nsol we kel yosôna.+
23 U hôya bañ i mam bakolba boñ ba mpot.
Liyôgbe li bôt ba mbédél we li mbet ngéda yosôna.