Tjémbi
Biniigana inyu ñéga kôa; likôdôk li Yédutun.*+ Hiémbi hi David.
39 Me bi kal le: “M’a yoñ yihe ni maboñok mem,
le me boñ bañ béba ni hilémb+ hiem.
M’a kañ nyo wem ni nkôô,+
ntel wonsôna béba mut i yé i bisu gwem.”
2 Me bi kwo mbuk, me mom ki nwee;+
me bé pot bé to jam, to jam lilam yaga,
ndi me nogok njôghe ngandak.*
3 Ñem wem u bé lék* ikété yem.
Kiki me bé hoñol i jam li,* hala nyen hié hi bé kônde loñ.
Ha nyen hilémb hiem hi bi pot le:
4 “Éé a Yéhôva, hôla me i yi lelaa lisuk li niñ yem li ga ba,
ni i yi nsoñgi u dilo+ tjem,
inyu boñ le me yi le niñ yem i yé kidik.*
5 Ibabé pééna, u bi boñ le dilo tjem di ba ndik ndék;*+
yak dilo tjem di niñ di yé yañga i bisu gwoñ.+
Ñ, hiki mut, to ibale a nene mpémba, a yé ndik mbebi.+ (Selah)
6 Hodo, niñ i hiki mut i ntagbe kiki yiye.
Yañga nyen a mpabla.*
A nkot lingwañ ndi a nyi bé njee a ga yégla jo.+
7 Éé a Yéhôva, limbe jam me yé le me bôdôl ñem?
Wetama nyen u yé botñem yem.
8 Tohol me mu bibéba+ gwem gwobisôna.
U nwas bañ le jôñ mut i yilha me yom mandegle.
10 Héya me kogse yoñ.*
Me ntomb inyule woo woñ u mbép me.
11 U nôgôs mut le ndi u kodol nye inyu hihôha+ hié;
kiki masek, u nkoñ i gwom a ndiihe.
Ñ, hiki mut a yé ndik nhébék.+ (Selah)
12 Éé a Yéhôva, emble masoohe+ mem,
sédne me ôô i ngéda me nlôndôl we.
U boñ bañ wee u ntehe bé gwiiha gwem.
Inyu yoñ, me yé ndigi nkén mut,+
mut a nke liké nu a ntagbe,* kiki yak basôgôlsôgôl+ bem bobasôna ba bé.
13 U nun bañ me ni mis mabe le ndi me témb me bana makénd
ilole me ntjiba, ilole me mba ha bé.”