Yérémia
20 Prisi le Pasur, man Imer, nu a bé ñéga nson nu bisu i témpel Yéhôva, a bé emble i mam Yérémia a bi pot. 2 Ha nyen Pasur a bi bép Yérémia, a ha nye dikéñ+ di di bé i nwemel u Benyamin i pes mabeda, u u bé bebee ni témpel Yéhôva. 3 Ndi i kel i bé noñ ha, Pasur a héya Yérémia dikéñ. Ha nyen Yérémia a bi kal nye le:
“Yéhôva a nsébél bé we le Pasur, ndi a nsébél we le Woñi homa nyensôna.+ 4 Inyule haana nyen Yéhôva a mpot: ‘I jam me ga boñ we, li ga kônha we ni mawanda moñ momasôna woñi. Baoo bap ba ga nol bo ni pansoñ, u tehge;+ me ga sem bôt ba Yuda bobasôna i moo ma kiñe Babilôn, a ga kena bo i minkôm i Babilôn, a nol bo ni pansoñ nyoo.+ 5 Lingwañ li tison ini jolisôna, nkus wé wonsôna, tik yé gwom yosôna, ni gwom gwobisôna bi yé i masôô ma nkus ma bikiñe bi Yuda; m’a ti gwobisôna baoo bap.+ Ba ga kadal gwo, ba begee gwo, ba kena gwo i Babilôn.+ 6 Inyu yoñ a Pasur, we ni bôt bobasôna ba nyééne i ndap yoñ, n’a ke i minkôm. W’a ke i Babilôn, u wél nyoo, we ni mawanda moñ momasôna n’a juba ki nyoo, inyule bitembee gwon u bi añle bo.’”+
7 U nhélés me a Yéhôva, me yé nhelek.
U ñunda le u gwé ngui iloo me, u nyémbél ki me.+
Me nyila yom minjôha kel yosôna;
hiki mut a ndegle me.+
8 Inyule hiki ngéda me mpot, me nlama lond, me leglak le:
“Bisañ ni tjiba!”
Inyu lipôdôl li Yéhôva, bôt ba nsol me, ba ndeglege me kel yosôna.+
9 Jon me bi kal le: “Me ga sima ha bé jam li mbéñge nye,
me ga pot ha bé i jôl jé.”+
Ndi lipôdôl jé li bi yila ikété ñem wem kiki hié, kiki hié ikété bihés gwem,
me bé ha bé le me tééda jo;
me bé ha bé le me mom nwee.+
10 Me bi nok bôt ba nhuñbe ngandak mam mabe;
woñi u bi kéña me.+
“Ôma nye nsohi; loga di ôm nye nsohi!”
I bôt bobasôna ba bé kal me le nsañ u ba ni we, ba bé bem nyemb yem:+
“Ibale a mboñ ndigi man hihôha,
di ga nol nye, di pun ki bésbomede.”
11 Ndi Yéhôva a bé ni me kiki njogwét nunkeñi.+
Inyu hala nyen i bôt ba ntééñga me, ba ga baage, ba ga yémbél bé.+
Wonyuu yap i mba ikeñi, inyule ba ga yônôs bé sômbôl yap.
Wonyuu yap i ga nom i boga ni boga, i ga hôiba bé.+
13 Tublana Yéhôva tjémbi! Béghana Yéhôva!
Inyule a nsôñ diyeyeba i moo ma bibéba bi bôt.
14 Tiihe tiihe ni kel me bi gwéé!
I kel mama yem a bi gwal me i ba bañ nsaibak!+
15 Tiihe tiihe ni mut a bi lona tata nwin nlam, a kal nye le:
“U nkôhna man munlôm!”
Hala a kônha nye maséé ngandak.
16 I mut nu a yila kiki bitison le Yéhôva a bi tjé ibabé le a tam.
A nok bôt ba mbégél kegla, ni nlondok u gwét i kosi.
17 Inyuki a bi nol bé me ikété libum li mama yem,
inyu boñ le mama yem a ba soñ yem,
a ba jém niñ yé yosôna?+
18 Inyuki me bi pam i libum li mama yem,
le me tehe ndutu ni njiiha,
le me mélés dilo tjem ikété hison?+