Yérémia
14 I bibañga bini gwon Yéhôva a bi kal Yérémia inyu mangéda ma sép:+
2 Yuda a yé i maéya,+ manwemel mé ma ñôbi.
Ma mbugi, ma nkwo ’isi,
yak minlondok mi nôga i Yérusalem.
3 Baane ba ñep bagwélél* bap i ap malép.
Bagwélél ba nke i bibee bi malép, ndi ba nkoba bé malép.
Ba ntémbna biébél gwap nso.
Ba nwo nyuu, ba kon ki hison,
ba hô miño nwap.
5 Yak ñin ngôlôñ u ngwal ikété lipan, u nyék man wé
inyule bikai bi ta bé.
6 Magas ma bikai ma téé i ngii dikôa di di gwé bé bikai.
Ma nhehel kiki dibaa di njéé;
mis map ma nwaa inyule ma nyéñ bikai,+ ndi bi ta bé.
7 To ibale bibéba gwés bi ñunda le bés bon di gwé njom,
boñ bés loñge a Yéhôva, inyu jôl joñ.+
Inyule maboñok més mabe ma yé ngandak,+
we ki nyen di bi boñ béba.
8 A botñem i Israel, wen u yé Ntohol wé+ i ngéda ndutu,
inyuki u nyila kiki nkén mut i loñ,
kiki mut nu a yé liké, nu a ntégbaha ndik u wada?
9 Inyuki u yé kiki mut nu a yé nhelek,
kiki mpémba mut u u nla bé tohol?
U tjôô bañ bés.
10 Haana nyen Yéhôva a mpot inyu litén lini: “Ba ngwés ba mbet,+ ba nsôs; makôô map ma ntelep bé homa wada.+ Jon Yéhôva a ta bé maséé ni bo.+ A ga bigda mam map mabe, a kogse ki bo inyu bibéba gwap.”+
11 I mbus, Yéhôva a kal me le: “U soohe bañ le me bôñôl litén lini loñge jam.+ 12 I ngéda ba nsôga je, me ñemble bé minyemhe nwap;+ i ngéda ba nsem bisesema bi ntul i hié ni makébla ma bijek, me nkon bé maséé;+ inyule me ga tjé bo ni pansoñ, ni njal, ni himala.”*+
13 Ha nyen me bi kal le: “Wee, a Nwet Bayemlikok le Yéhôva! Bapôdôl ba nkal bo le: ‘Pansoñ, to njal bi ga lo bé i bééni, ndi me ga lona bañga nsañ hana homa nunu.’”+
14 I mbus, Yéhôva a kal me le: “Bapôdôl ba mpot bitembee i jôl jem.+ Me ñep bé bo, me nti bé bo oda, me nkal bé bo to jam.+ Ndi ba nkal ndik bé biyiinda bi bitembee, bipôdôl bi malôga,* ni mam ba mbot mu miñem nwap.+ 15 Inyu bapôdôl ba ba mpot i jôl jem ndi ki le me ñom bé bo, ba kalak le pansoñ, to njal bi ga lo bé munu loñ ini; haana nyen Yéhôva a mpot inyu yap: ‘Pansoñ ni njal gwon bi ga tjé i bapôdôl ba.+ 16 Yak i bôt ba ñemble bipôdôl gwap, pansoñ ni njal bi ga nol bo, ba leñ mim nwap i minloñ mi Yérusalem,+ bo ni baa bap, bon bap bôlôm ni bon bap bôda; inyule me ga lona bo i kogse ba kôli kôhna.’+
17 U nlama kal bo bibañga bini:
‘Mis mem ma ntoi gwiiha juu ni njamuha, ibabé waa,+
inyule ngond ngi yi munlôm i litén jem i mbugi, bañga libugak,+
mbabaa yé i yé ikeñi.
18 Ibale me nke i bikai ndi nun-ki,
me ntehe mim mi bôt le pansoñ i nol!+
Ibale me nlo i tison,
me ntehe bôt ba nkon inyule njal i nai!+
Inyule mpôdôl ni prisi ba nke i loñ le ba nyi bé.’”+
19 Baa u ntjél Yuda, tjél yosôna, baa u nkahal oo Siôn?+
Inyuki u nkogse bés kayéle matibla ma ta ha bé inyu yés?+
Di bééna botñem le nsañ u nla ba, ndi jam lilam li bi lo bé,
di bééna botñem le ngim ngéda y’a lo le kon u mal, ndi mam ma nkônha woñi mon ma yé!+
21 Inyu jôl joñ, u tjôô bañ bés;+
u yan bañ yééne yoñ ane i lipém.
Bigda malômbla u bi boñ ni bés, u bôk bañ mo.+
22 Ikété bisat bi ngi nseñ bi biloñ, imbe i nla nôs nop?
Baa ngii yomede i nla yoñ makidik le nop a no?
Baa wetama bé nyen u nla boñ hala, a Yéhôva Nyambe wés?+
Di mbôdôl we ñem,
inyule wetama nyen u bi boñ i mam mana momasôna.