Yésaya
26 I kel i, i hiémbi hini hi ga tuba+ i loñ Yuda:+
“Tison yés i gwé ngui.+
Kiki mapénd ni matédél ma ntohol tison, hala nyen a* ntohol yo.+
2 Yiblana manwemel ma tison+ inyu boñ le loñ i i téé sép i jôp,
loñ i i nôgôl Nyambe.
3 W’a sôñ i bôt ba nigbene we ni ñem wap wonsôna;*
w’a ti bo nsañ ngéda yosôna,+
inyule wen ba mbôdôl ñem.+
5 Inyule a nsuhus bôt ba nyééne i homa a nyôgi, i tison i nyôgi.
A nsuhus i tison i,
a nsuhus yo letee ni ’isi;
a nleñ yo ikété lipum li biték.
6 Makôô ma bôt ba nok ndutu ma ga tidbe yo,
ñ, mabal ma bôt ba ba gwééba bé.”
7 Njel i mut a téé sép i téé sép.*
Hala kiki u téé sép,
w’a boñ le njel i mut a téé sép i tegep.
8 A Yéhôva, di noñ njel i mbagi sép yoñ,
di mbôdôl we ñem.
Ngôñ yés i yé le di bigda we, di bigda ki jôl joñ.
9 Ni juu, ñem wem wonsôna u gwé ngôñ ni we,
ñ, me nhoñol we ibabé waa;+
inyule i ngéda u nkéés hisi,
bôt ba loñ ba nigil telepsép.+
10 To ibale ba mbôñôl béba mut loñge,
a ga nigil bé telepsép.+
11 A Yéhôva, u bi pa woo i ngii, ndi bibéba bi bôt bi ntehe bé wo.+
Ba ga tehe lelaa u mpala sôñ litén joñ, ba wo nyuu.
Ñ, i hié u nkuye inyu baoo boñ hi ga ligis bo.
14 Ba yé nwok; ba ga niñ ha bé.
Nyemb i nloo bo ngui, ba ga telep ha bé.+
Inyule u bi kogse bo,
u tjé bo, u sas bo kayéle mut a nsima ha bé bo.
U tiigaha ki minwaa mi nkoñ nwominsôna le loñ i kônde keñep.+
16 A Yéhôva, i ngéda ndutu, i weeni nyen ba bi hielba i bat mahôla;
i ngéda u bi kodol bo, ba bi yible we miñem nwap ikété masoohe, ba soogaga.+
17 Kiki muda jém nu a yé bebee ni gwal,
nu a nkôôga, a nogok njôghe, a londok,
hala nyen u bi yilha bés, a Yéhôva.
18 Di bé jém, di bi kôôga,
ndi a yé wengoñle mbebi yon di bi gwal.
Di bi tohol bé loñ,
man nye ki nye a bi gwéé bé le a yééne mu loñ.
19 “Bawoga boñ ba ga témb ba niñ.
Inyule manwee moñ ma yé kiki manwee ma maye ma kel,*
i bôt nyemb i bi loo ngui, hisi hi ga nwas bo le ba témb ba niñ.*
21 Inyule Yéhôva a nyodi i liyééne jé, a yé i lo
i kéés bôt ba nyééne ikété loñ inyu bibéba gwap;
i matjél ma nkuba i loñ ma ga yeli,
loñ i ga sôô ha bé i bôt ba bi nôla.”