Sakaria

Yéhôva nyen a mboñ ond ikeñi,

nye ki nyen a nôs nop inyu bôt ba binam,+

a tinak bôt bobasôna bijek bi wom.

Bôt ba ngambi ba ntehe biyiinda bi malôga;*

ba ñañal bieem bi bi gwé bé nseñ,

ba nyéñ hôgbaha bôt, ndi to wada a nkôhna bé hogbe.

 3 Me ñunbene batééda mintômba ngandak,

m’a bat le baéga ba mbanda* ba timbhe i bisu gwem.

Inyule Yéhôva nu mintôñ mi gwét a mal yoñ ngéda ni bémba yé,+ hala wee litén li Yuda,

a yilha ki bo kiki mpémba wé hosi ikété gwét.

 4 I nyeni nyen ntôô mut* u nlôl,

i nyeni nyen nnit, hala wee ñane,* a nlôl,

i nyeni nyen mpihlôñgô inyu gwét u nlôl;

i nyeni nyen babéñge nson* bobasôna ba mpémél.

 5 Ba ga yila kiki bajogwét,

ba ba ntidbe ndobo i minloñ i ngéda gwét.

Ba ga jo gwét, inyule Yéhôva a yé ni bo;+

yak baoo bap, ba ba nkil i bihosi, ba ga wo nyuu.+

 6 M’a boñ le litén li Yuda li yémbél,

m’a tohol yak mbôda Yôsep.+

M’a témbna bo i loñ yap,

m’a unda ki bo loñgeñem.+

Ba ga ba kiki bôt le me maa bé tjôô;+

inyule men me yé Yéhôva Nyambe wap, m’a timbhe ki bo.

 7 Bôt ba Éfraim ba ga yila kiki mpémba njogwét,

miñem nwap mi ga kon maséé kiki mut le a nyo wai.+

 8 ‘Me ga hem hilond inyu sébél bo, me kot ki bo;

inyule me ga kobol bo,+ ba yila ngandak,

ba ga ke ni bisu i ba ngandak.

 9 To hala kiki me ntjam bo ikété biloñ kiki ba nwes mbôô,

ba ga ba i bahoma ba yé haa, ndi ba ga bigda me;

bo ni bon bap, ba ga témbna ngui, ba témb ki.

10 Me ga yôñôl bo i loñ Égiptô,

me nyodna bo i Asiria inyu kot bo.+

Me kena bo i loñ Giléad+ ni i Libañ,

ndi homa* a ga kola bé bo.+

11 I ngéda tuye a nkéñ bo njel, me* ga tagbene mu;

me bép mangudga ma tuye.+

M’a suhus ngôk u Asiria,

Égiptô a ga bana ha bé ntoñgo ane.+

12 Me Yéhôva, men me ga lédés bo,+

ba ga kil i jôl jem,’+ hala nyen Yéhôva a mpot.”