Yésaya
44 “Nano, emble a ngwélél wem Yakôb,
yak we, a Israel, we nu me bi pohol.+
3 Inyule i loñ nyus+ i gwé, me ga kôp yo malép,
me ga boñ le diléléba di kuli i hisi hi hi yé nnumuk.
4 Ba ga o wengoñle bikai bi yômi,+
kiki bie bi bi yé ipañ diléléba.
5 Wada a ga kal le: “Me yé nu Yéhôva.”+
Numpe a oba jôl le Yakôb,
numpe ki a tila i woo wé le: “Me yé nu Yéhôva.”
A oba ki jôl li Israel.’
‘Men me yé nu a mbôk, me yé ki nu a nsôk.+
Nyambe numpe a ta bé, handugi me.+
7 Njee a yé kiki me?+
A timbhege, a unda hala, a net ki me nkaa!+
A* yeelak ni i mam ma ga bôk lo,
yak ni mam ma ga noñ ha
kiki me bi boñ ibôdôl i ngéda me bi uñgus litén li kôba.
Baa me bi bôk bé me kal hiki wada nan mam momasôna, me yeelene ki bé mo?
Ni yé mbôgi+ yem.
Baa Nyambe numpe a yé, handugi me?
To! Liaa+ lipe li ta bé; me nyi bé lipe.’”
9 I bôt bobasôna ba ntjo biôñgba ba yé yañga;
i bisat gwap ba ngwés, bi ga hôla bé bo to yom.+
Bi* ntehna bé, bi nyi bé to jam,+ ndi bi yé mbôgi yap,
inyu hala nyen i bôt ba bi bañ gwo, ba ga wo nyuu.+
11 Nuna-ki! Basolôñ bé bobasôna ba ga wo nyuu!+
I bôt ba gwé likeñge i ôô gwom ba yé ndik bôt ba binam.
Bobasôna ba telep, ba kodba homa wada.
Ba ga kon woñi, ba wo ki nyuu bobasôna.
12 Ñôô bikei a ngwélél sélél yé inyu ha kei* i makalak ma ma nloñ.
I mbus, njal i ngwel nye, yak ngui i mal nye;
kiki a nyo bé malép, yak waa i gwel nye.
13 Kapinda* i ngwélél méta* inyu hek kék, i tand yo ni kôyôp pem.
A sal yo ni hômbôl kék, a oda* titii ni kompa.
14 Nson u ngim mut u yé le a kit bie bi sidar.
A mpohol tén e, e ikeñi,
a nwas yo le i nañ, i bana ngui kiki bie bi lipan.+
A bel ki e,* nop a boñ yo le i nañ.
15 I mbus, i e ini i yila nkok le a ngwélél i koda hié.
A yoñ ndék mu inyu nohop hié;
a koda ki hié inyu lamb bret.
Ndi a bañ ki nyambe, a bôdôl bégés nye.
A tjo ki ôñgba, a kahal umul yo maboñ.+
16 Pes yada mu i nhôla nye i koda hié;
a bôm nuga, a je, a nuu.
A nohop yak hié, a kal le:
“Kinje loñge jam i nohop hié!”
17 Ndi i pes i nyégle, a nyilha yo nyambe, ntjok ôñgba.
A ôôp yo i bisu, a kahal bégés yo.
A nsoohe yo, a kalak le:
“Sôñ me inyule wen u yé nyambe+ wem.”
18 I nya bôt i, i nyi bé to yom, i nok bé to yom,+
inyule mis map ma yé nkwéhék kayéle ba ntehna bé,
yak miñem nwap mi nhek bé pék.
19 To wada wap a ñôt bé mahoñol,
a gwé bé yi, to pék i kalba le:
“Me ntip ligis pes yada i hié,
me yoñ makalak, me lamb bret, me bôm nuga, me je.
Baa me nlama yilha i pes i nyégle yom nyega?+
Baa me kôli bégés kidik kék?”*
20 Libu jon li yé nye bijek.
Ñem wé u bijôñ u nyumus nye.
A nla bé sôñ nyemede, a mbadba bé to le:
“Baa tembee bé yon i yé me i woo walôm?”
21 “Bigda i mam mana a Yakôb, yak we a Israel,
inyule u yé ngwélél wem.
Me bi uñgus we, u yé ki ngwélél wem.+
A Israel, m’a hôya bé we.+
22 M’a sas maboñok moñ mabe, ma ga nene ha bé kiki yom le ond+ i nhô,
me hô yak bibéba gwoñ kiki yom le ond i i gwé mbibi i nhô.
Témb i meeni inyule m’a kobol+ we.
23 Leñ diléla, a ngii
inyule Yéhôva a mal boñ jo!
Leñ minlondok mi mut nu a nyémbél gwét, a hisi!
Kona maséé a dikôa,+
yak we a lipan, ni bie gwoñ gwobisôna!
Inyule Yéhôva a mal kobol Yakôb,
a ngwélél ki Israel inyu unda lipém+ jé.”
24 Yéhôva, Nkobol+ woñ,
nu a bi uñgus we ibôdôl i libum li nyuñ, a nkal le:
“Me yé Yéhôva, men me bi hek gwom gwobisôna.
Njee a bé lôñni me?
25 Me ñunda le biyimbne bi bapôdôl ba bitembee* bi nhôla bé to jam,
men me mboñ le babo ngambi ba nene kiki bijôñ bi bôt;+
men me nyumus bôt ba pék,
me boñ ki le yi yap i nene kiki bijôñ;+
26 nu a nyônôs lipôdôl li ngwélél wé,
a nyônôs ki mam momasôna balegelnwin+ bé ba mpot;
nu a nkal inyu Yérusalem le: ‘Bôt ba ga yééne+ mu,’
ni inyu bitison bi Yuda le: ‘Bi ga tiimba ôña,+
me ga bôñgôl+ ki nye;’
27 nu a nkal ndip malép le: ‘Sana,
m’a sés ki balom boñ bobasôna;’+
28 nu a nkal inyu Kirus+ le: ‘A yé ntééda mintômba nwem,
a ga boñ sômbôl yem yosôna le fet;’+
nu a nkal inyu Yérusalem le: ‘A ga tiimba ôña,’
ni inyu témpel le: ‘Bôt ba ga tek hikuu hioñ.’”+