Yôsua

23 I mbus ngandak dilo le Yéhôva a mal ti bon ba Israel noi,+ a sôñ ki bo i moo ma baoo bap bobasôna ba ba bé kéña bo, yak Yôsua a ma un+ ngandak, 2 Yôsua a sébél bon ba Israel+ bobasôna: mimañ, baane, bakéés ni baéga+ ba litén, a kal bo le: “Me ñun ngandak. 3 Bébomede ni ntehe i yom Yéhôva Nyambe nan a bi boñ i biloñ bini gwobisôna inyu nan, inyule Yéhôva Nyambe nan nyen a bé jo inyu nan.+ 4 Nuna-ki, me bi leñ mbam+ inyu kébha bé minkoñ mi matén+ ma ma ngi yii munu loñ, me kébha ki bé minkoñ mi matén momasôna me bi tjé+ ibôdôl i Yordan letee ni i Tuye Nkeñi* i pes hiôñg,* me bi ti bé nwo le mi ba ngababum nan.* 5 Yéhôva Nyambe nan nyen a bé luhul bo i bisu binan,+ a luhul ki bo mu loñ* inyu nan; ha nyen ni bi yoñ loñ yap, kiki Yéhôva Nyambe nan a bi bôn+ bé.

6 “Nano ni, i mbéda yaga le ni bana ñem ngui inyu tééda ni inyu boñ mam momasôna ma yé ntilga mu kaat mbén+ Môsi, le ndi ni yék bañ yo kekikel inyu ke i pes walôm tole i pes waé,+ 7 inyu boñ le kekikel ni pôdna bañ lôñni matén+ ma ma ngi yii ni bé munu loñ. Ni sima bañ to môl ma banyambe+ bap, to kumul bo soñ. Ni gwéélak bañ bo kekikel, ni ôôp bañ to i bisu gwap.+ 8 Ndi ni nlama téñbe i gwélél Yéhôva Nyambe+ nan, kiki ni ngi boñok letee ni len. 9 I matén ma ma yé mimpémba, ma ban-ga ngui, Yéhôva a’ luhul mo i bisu binan,+ inyule letee ni len+ mut to wada a bi la bé kolba bé. 10 Mut wada ikété nan a ga noñ hikôô+ hi bôt, inyule Yéhôva Nyambe nan+ nyen a njo inyu nan, kiki a bi bôn+ bé. 11 Jon ngéda yosôna,+ yoña yihe* le ni gwés Yéhôva Nyambe+ nan.

12 “Ndi ibale ni nkôm Nyambe mbus, ni bana maada ni matén ma ma ngi yii+ ni bé munu loñ, ni biiba+ ni bo,* ni bana ki maada ni bo, ndi yak bo ba bana maada ni bé, 13 wee ni ba nkwoog nkaa le, Yéhôva Nyambe nan a’ luhul ha bé i matén mana* inyu nan.+ I matén mana ma ga yila kédi ni hiandi, ma yila ki hisôô inyu tjeñ+ dinan ni biloo inyu mis manan, letee ni tjiba munu loñge loñ Yéhôva Nyambe nan a bi ti bé.

14 “Nano ni, emblana me! Me yé bebee ni wo.* Bébomede ni nyi yaga ni ñem nan wonsôna, yak ni niñ* nan yosôna, le jam to jada* li bi set bé ikété mam malam momasôna Yéhôva, Nyambe nan a bi bôn bé. I mimbônga mi nwominsôna mi bi yônôl bé. Bañga to yada i bi set+ bé. 15 Ndi, kiki mam malam momasôna Yéhôva Nyambe nan a bi bôn bé ma bi yon,+ hala nyen yak mandutu* momasôna Yéhôva a mbôn m’a kwél bé, a ga tjé ki bé munu loñge loñ ini Yéhôva Nyambe nan a bi ti bé.+ 16 Ibale ni mbôk malômbla Yéhôva Nyambe nan a bi ti bé oda le ni tééda, ndi ni ke i gwélél banyambe bape, ni ôôp ki i bisu gwap; ha nyen Yéhôva a ga unbene bé+ ngandak, a pala ki tjé bé munu loñge loñ a bi ti bé.”+