Yésaya
47 Sôs, u yén i biték,
a ngond Babilôn i i yé ngi yi munlôm.+
Yén i nso ’isi, u yén ha bañ i yééne ane,+
a ngond i bôt ba Kaldéa,
inyule bôt ba ga sébél ha bé we le muda nu ba mbop, to le muda nu a gwé niñ i mbomboo.
2 Yoñ ngok kôgôl, u kok flawa.
Héya libadô li li nhô we su.
Pa mbot yoñ le mabel moñ ma nene i mbégdé.
Yap balom.
3 Bôt ba ga tehe nso woñ.
Hison hioñ hi nene.
M’a pun+ memede, mut to wada a nla bé kéñ me njel.*
5 Kee nyoo, u yén i jiibe, u mom nwee,
a ngond i bôt ba Kaldéa;+
Ndi u bi kônôl bé bo ngoo.+
U bi bééga yak mimañ mi bôt, mambegee ma nyét.+
7 U bé kal le: “Me ga ba Kiñemuda* i boga ni boga.”+
U bi hek bé pék mu mam ma;
u bi hégda bé lelaa lisuk li ga ba.
8 Nano emble i jam lini, a muda nu a ngwés mane ma niñ,+
a we nu u yii ikété nsañ, u kalak ikété ñem woñ le:
“Metama nyen me yé, numpe a ta bé.+
Me ga ba bé yik muda.
Me ga nimis bé to bon.”+
9 Ndi i mam mana mo ima ma ga pémél we kunda yada, nlélém kel:+
u ga nimis bon boñ, u yila ki yik muda.
I mam mana ma ga kwél we, u nok ki ndutu ngandak,+
10 U bé bôdôl bibéba gwoñ bi mam ñem.
U kalak le: “Mut a ntehe bé me.”
Pék yoñ ni yi yoñ gwon bi bi lugha we,
u bé kal ikété ñem woñ le: “Men me yé, numpe a ta bé.”
11 Ndi bikuu bi ga kwél we,
makañ moñ ma ga la bé gwel gwo.*
U ga kôhna ngolba, u ga la bé keñgle yo.
Tjiba yoñ i ga lo kunda yada, i nya u bemek bé.+
12 Kônde ni boñ makañ ni ngandak yoñ liemb,+
makañ le u nok ndutu i boñ ibôdôl we mañge.
Bebek u ga kôhna nseñ mu;
bebek u nla kônha bôt woñi.
13 U ntumbba i bat ngandak yoñ batipék maéba.
Ba lok ni nano, ba sôñ we,
i bôt ba mbégés ngii,* ba wanak ki tjôdôt,+
i bôt ba ñañal mam hiki ngéda sôñ i nta,*
i mam ma ga bôña i dilo di nlo.
14 Ba yé kiki minumuk mi bikai.
Hié hi ga ligis bo.
Ba nla bé pei mbimba i lindômbôô li hié.
I hié hini hi ta bé kiki hié hi makalak le mut a nla nohop,
to hié le mut a nla yén hio ipañ.
15 Hala nyen bôt boñ ba makañ ba ga sôk ba yila,
i bôt we ni bo ni ntumbba ni nson ibôdôl we mañge.
Ba ga bet, ba sôs, hiki wada wap a ga noñ yé njel.*
Mut to wada a ga ba bé inyu sôñ+ we.