Hôséa

11 “Me bi gwés Israel i ngéda a bé mañge,+

me bi sébél lok yem le i nyodi i Égiptô.+

 2 Kiki ba* bé sébél bon ba Israel,

hala nyen bon ba Israel ba bé ke bo haa.+

Ba bé ti biôñgba bi Baal bisesema,+

ba tinak yak mintjok mi biôñgba bisesema.+

 3 Ndi men me bi niiga Éfraim liké,+ me lelek nye i moo mem;+

ndi ba bi neebe bé le men me bi mbuubaha bo.

 4 Me bé ôt bo ni minkôô ba ñudul bôt ba binam,* ñ, minkôô mi gwéha;+

me bi yilna bo kiki mut nu a nhéya bo kop nson i mañg,

ni loñgeñem, me bé ti hiki wada wap bijek.

 5 Ba ga témb bé i loñ Égiptô, ndi Asiria a ga yila kiñe yap,+

inyule ba bi tjél témb i meeni.+

 6 Pansoñ i ga kiiña inyu tjé bitison gwap,+

inyu ôbôs bihimbil gwap bi makôga ni inyu nol bo inyule ba gwé bipék bibe.+

Me bi héñha mahoñol;

i nlélém ngéda, konangoo yem i tôde.*+

Inyule me yé Nyambe, he mut binam bé,

me yé Numpubi ipôla nan;

m’a unbene ha bé bé.

10 Ba ga noñ Yéhôva mbus, a ga kônd kiki mbondo njéé;+

i ngéda a ga kônd, bon bé ba ga lôl i pes hiôñg, ba sehlaga.+

11 Ba ga sehla kiki hinuni, i ngéda ba ga nyodi i Égiptô,

kiki hibeñ, i ngéda ba ga nyodi i loñ Asiria;+

m’a boñ le ba yééne ikété mandap map,” hala nyen Yéhôva a mpot.+

12 “Éfraim a nkéña me ni bitembee,

litén li Israel li nkéña me ni malôga.+

Ndi Yuda a ngi kihga* ni Nyambe,

a tiñi ni Nu a nlôôha mpubi.”+