Kaat Markô
11 I ngéda ba bé tiige bebee ni Yérusalem, ni Bétfagé, yak ni Bétania+ nyoo i Hikôa Ôlivé, a ep banigil bé iba,+ 2 a kal bo le: “Kena i mbai ni ntehe nyoo i bisu, i ngéda n’a jôp mu, n’a koba le ba ntéñ man jagas; ipam nano, mut nye ki nye a yé ngi yén mu ngii. Ni tiñil nye, ni lona nye hana. 3 Ibale mut a mbat bé le: ‘Inyuki ni yé i boñ hala?’ Ni kal le: ‘Nwet a gwé ngôñ ni nye, ndi a’ pala timbis nye hana.’” 4 Ha nyen ba ke, ba koba man jagas a tiñi i bisu bi nwemel u ndap i i yé ipañ nloñ, ba tiñil nye.+ 5 Ndi bahogi ipôla bôt ba bé ba téé ha, ba bat bo le: “Inyuki ni yé i tiñil jagas?” 6 Ba kal bo kiki Yésu a bi pot; i bôt ba, ba nwas bo ba ke.
7 Ha nyen ba bi lona man jagas+ yak Yésu, ba kéhi mambot map mu ngii, a yén mu ngii.+ 8 Yak ngandak bôt i tek mambot map i njel, ndi bape ba kit tjai i nwom.+ 9 Yak i bôt ba bé bôk nye i bisu lôñni ba ba bé noñ nye i mbus, ba bé waa bé lond le: “Tohol, di nsoohe!+ Nu a nlôl i jôl li Yéhôva* a ba nsaibak!+ 10 Ane i tata wés David+ i i nlo i ba nsaibak! Tohol, di nsoohe, a we nu u yé nyoo i ngingii!” 11 I mbus, a jôp i Yérusalem, a ke ikété témpel, a kiiña, a béñge mam momasôna; ndi kiki kôkôa i bé i ma kwo, a pam, a ke i Bétania lôñni jôm ni iba.+
12 I kel i bé noñ ha, i ngéda ba bé nyodi i Bétania, njal i gwel nye.+ 13 A bé haa, ndi a tehe e faigé i i bééna tjai, a ke inyu béñge too a nla léba yom mu. Ndi kiki a mpam yo bebee, a koba bé matam mu, ndik tjai inyule ngéda matam ma faigé i bé ngi kola. 14 Jon a kal e le: “Mut to wada a jek ha bañ matam moñ kekikel.”+ Banigil bé ba bé emble.
15 I mbus, ba ke i Yérusalem. Kiki ba mpam nyoo, a jôp i témpel, a bôdôl luhul i bôt ba bé nuñul, ba sombok ikété témpel, a kwés ki bitéblé bi bahéñha moni ’isi, yak bibeñgi bi banuñul dibeñ.+ 16 A bé nwas bé le mut nye ki nye a tagbana yom i témpel. 17 A bé niiga bo, a kalak le: “Baa i ta bé ntilga le: ‘Ndap yem y’a séblana le ndap masoohe inyu matén momasôna’?+ Ndi bé ni nyilha yo hôk* i mintonba.”+ 18 Kiki baéga biprisi lôñni bayimbén ba nok hala, ba bôdôl yéñ lelaa ba nol nye.+ I maliga, ba bé kon nye woñi, inyule biniigana gwé bi bé hélés limut jolisôna.+
19 I ngéda kôkôa i bé i kwo, ba bé ba nyodi i tison. 20 Ndi i ngéda ba bé tagbe kegla tutu, ba tehe le e faigé i nkôt letee ni i minkañ nwé.+ 21 Ndi, kiki Pétrô a nhoñol i jam li bi tagbe, a kal nye le: “A Rabi, béñge! E faigé u bi tiihe i nkôt.”+ 22 Yésu a timbhe bo le: “Hémlana Nyambe. 23 Me nkal bé maliga le, nu ni nu a nkal hikôa hini le: ‘Nyodi hana, kwoo nyoo i tuye,’ ndi a bana bé pééna ikété ñem wé, a hémlege ndik le jam a mpot l’a bôña, hala a’ bôña.+ 24 Inyu hala nyen me nkal bé le, i mam momasôna ni mbat ikété masoohe, ni bana hémle le ni mal kôhna mo, ha nyen n’a kôhna mo.+ 25 I ngéda ni ntelep ki inyu soohe, to limbe jam ni gwééna ni mut, nwéhlana nye jo inyu boñ le Tata nan nu a yé i ngii, yak nye a nwéhél bé mahôha manan.”+ 26 *——
27 Ba bi témb ba lo i Yérusalem. Kiki a bé hiôm ikété témpel, baéga biprisi ni bayimbén lôñni mimañ mi litén ba lo, 28 ba kal nye le: “Hee kunde i nlôl we i boñ i mam mana? Njee a bi ti we kunde ini i boñ i mam mana?”+ 29 Yésu a kal bo le: “Me mbat bé mbadga yada. Timbhana me, ndi m’a kal bé hee me nyôñôl kunde i boñ i mam mana. 30 Baa sôble i Yôhanes+ i bi lôl i ngii tole yak bôt ba binam?* Timbhana me.”+ 31 Ha nyen ba bi bôdôl kalna bo ni bo le: “Ibale di nkal le: ‘I bi lôl i ngii,’ ki a’ kal le: ‘Inyuki ni bi hémle ni bé nye?’ 32 Baa di nlama ni kal le: ‘I bi lôl yak bôt ba binam’?” Ba bé kon woñi i pot hala inyule bôt bobasôna ba bé yi le Yôhanes a bé toi mpôdôl.+ 33 Jon ba bi timbhe Yésu le: “Di nyi bé.” Yésu a kal bo le: “To me, me nkal bé me bé hee me nyôñôl kunde i boñ i mam mana.”