Hiôb
35 Élihu a timbhe ki le:
2 “Baa u nhoñol toi le u kôli kal le:
‘Me téé sép iloo Nyambe’?+
3 Inyule u nkal le: ‘Ibale me téé sép, hala a nhôla we* kii?
To ibale me mboñ béba,+ ki hala a nhéñha kii?’
4 M’a timbhe we,
we ni mawanda+ moñ.
5 Béñge le ngii, u tehe,
nun ki ond+ i i yé i ngii, haa ni we.
6 Ibale u mboñ béba, hala a nkal kii Nyambe?+
Ibale maboñok moñ mabe ma mbôl, kii i ntééñga nye mu?+
7 Ibale u téé sép, u nti kii nye?
A nkôhna kii i woo woñ?+
8 Liboñok joñ libe li ntihba ndik mut binam kiki we,
yak telepsép yoñ i nhôla ndik man mut.
9 Bôt ba binam ba nlond i ngéda ndééñga i nlôôha;
10 Ndi mut to wada a nkal bé le: ‘Nhek+ wem Nunkeñi le Nyambe a yé hee,
nu a mboñ le tjémbi di tuba juu?’+
11 A niiga+ bés kayéle di nyi jam iloo binuga bi bi yé hana ’isi,+
a nti ki bés pék iloo dinuni di ngii.
14 Bôô ni ngélé yañen i ngéda u ntjelel le u ntehe bé nye!+
Ngo hop woñ u yé i bisu gwé; jon u nlama bem nye.+
15 Inyule a bi kogse bé we ikété hiun hié;
a mbéñge bé to ndok yoñ.+
16 Yañga nyen Hiôb a nahal nyo wé inyu pot;
a mbulus bibuk bi ngi yi.”+