Yésaya

7 I dilo di kiñe Yuda le Ahas,+ man Yôtam, man Ôsiya, kiñe Siria le Rézin ni man Rémalia le Péka,+ kiñe Israel, ba bi lo i jôs bôt ba Yérusalem gwét, ndi ba* bi la bé yémbél bo.+ 2 Ba añle bôt ba lihaa li David le: “Siria a ñadba ni Éfraim.”

Ñem u Ahas ni miñem mi bôt ba litén mi kahal sehla kiki bie bi lipan le mbuk mbebi a mpôgôs.

3 Ha nyen Yéhôva a bi kal Yésaya le: “Soho, ke boma Ahas, we ni man woñ Séar-Yasub*+ i lisuk li mbôga malép u titimba i mabeda,+ bebee ni njel ikeñi i i nke i homa ba njôôna mambot. 4 U nlama kal nye le: ‘Mom nwee. U kon bañ woñi, ñem u bôô bañ we matjél inyu bipes bi tjéé biba bini bi ntu hiida, to inyu hiun hi Rézin, hi Siria ni hi man Rémalia.+ 5 Inyule Siria ni Éfraim ni man Rémalia ba njubul we i jimb, ba kalak le: 6 “Di bedek i jôs Yuda gwét, di pat nye,* di yémbél nye,* di téé man Tabéel kiñe.”+

 7 “‘Haana nyen Nwet Bayemlikok le Yéhôva a mpot:

10 Yéhôva a kônde pôdôs Ahas, a kal nye le: 11 “Bat Yéhôva Nyambe woñ yimbne;+ to i yé ikétékété kiki Soñ,* to i nyôgi nyoo ngingii, a ga ti we yo.” 12 Ahas a kal le: “Me mbat bé to jam, me noode bé to Yéhôva.”

13 Ha nyen Yésaya a bi kal le: “Soho emblana, a lihaa li David. Bôt ba nwaa hônba bé! Baa ni nsômbôl le yak Nyambe a waa hônba bé?+ 14 Inyu hala nyen Yéhôva nyemede a ga ti bé yimbne: nuna-ki! Mañge muda* a ga nembee, a gwal man munlôm,+ a ga o nye jôl le Émanuel.*+ 15 Ilole a nyi kii i yé béba ni kii i yé loñge, a ga je bota ni wéi. 16 Inyule ilole mañge a nyi kii i yé béba ni kii i yé loñge, loñ i bikiñe bini gwo biba u nkon woñi i ga yégle hôlô.+ 17 Yéhôva a ga boñ le we ni litén joñ ni lihaa li isoñ, ni tégbaha dilo dibe, di di maa bé ba ibôdôl i kel Éfraim a bi bagla ni Yuda,+ inyule a ga lona kiñe Asiria inyu jôs bé.+

18 “I kel i, Yéhôva a ga sébél banjemnje ba ba nlôl haa i diléléba di lom Nil nu Égiptô, a sébél ki nyôi i i yé i loñ Asiria, 19 gwobisôna bi ga lo, bi telep i minsôsôgô,* i bihôk bi maaa, i ngii bie bi biloo gwobisôna ni i bahoma bobasôna binuga bi nyôl malép.

20 “I kel i, ni njel mut nu a nhomb miño, a lôlak uu nwii u Lom,* hala wee ni njel kiñe Asiria;+ Yéhôva a ga homb nye ño, a homb yak nye makôô, a homb yak liyéé jé jolisôna.

21 “I kel i, mut a ga sôñ man nyaga nu bémba ni mintômba ima le mi wo bañ. 22 Milik mi ga ba ngandak kayéle a ga je bota, inyule hiki mut nu a ga yégle mu loñ a ga je bota ni wéi.

23 “I kel i, hiki wom u u bééna 1 000 hi tén i minkôô mi wai i i nhee 1 000 hi batjañtjañ ba silba, ndik biloo ni bikai gwon bi ga ba ha. 24 Bôt ba ga ke mu loñ lôñni mimpihlôñgô ni makoñ, inyule biloo ni bikai bi ga yon ni loñ yosôna. 25 Yak dikôa tjodisôna ba bé kôs ni hisoo, u ga tiige ha bé tjo bebee inyule biloo ni bikai bi mba bi nkônha we woñi; i dikôa di, di ga yila bahoma balôm ba nyaga ba njél bikai ni bahoma mintômba mi ntidbe.”