Tjémbi
Biniigana inyu ñéga kôa; kingéda nsik u u gwé ño le “mbônji i bikai.” Mbigda. Hiémbi hi Asaf.+
80 A Ntééda Israel, emble,
a we nu u ñéga Yôsep kiki bémba i mintômba.+
4 Éé a Yéhôva Nyambe nu mintôñ mi gwét, u ga unbene* litén joñ, u tjél ki emble masoohe map letee ni ngéda mbe?+
5 U njés bo gwiiha wengoñle bret,
u nyus ki bo gwiiha iloo hihéga.
6 Bôt bés ba libôga ba njo inyule ba nsôñna bés;
baoo bés ba nwaa bé ndegle bés.+
7 A Nyambe nu mintôñ mi gwét, témb neebe bés;
boñ le mapubi ma su woñ ma béyéi bés le ndi di tohlana.+
8 U bi nyodna nkôô wai+ i Égiptô.
U luhul biloñ inyu bel wo.+
9 U bi pubus homa inyu nkôô wai,
won u bi o minkañ, u yon ki mu nkoñ.+
10 Yiye yé i bi hô dikôa,
yak mintjep nwé mi hô bie bi sidar bi Nyambe.
12 Inyuki u bi bôk mabap ma ngok ma ma nkéña wom u nkôô wai,+
kayéle i bôt bobasôna ba ntagbe ipañ yé ba nket matam+ mé?
13 Ngôi bikai i ñôbôs wo,
yak binuga bi bikai bi nje wo.+
14 A Nyambe nu mintôñ mi gwét, soho témb.
Nyoo i ngii béñge, u tehe i yom i yé tagbe!
Béñge ki man* u bi ti ngui inyu lipém joñ.+
16 Ba nligis+ wo, ba nkit wo.
Bôt ba litén ba ntjiba inyule u nkônd bo.*
17 Boñ le woo woñ u nit i mut a yé i woo woñ walôm,
boñ le woo woñ u nit man mut nu u bi ti ngui inyu lipém joñ.+
18 Ha nyen d’a kôm bé we mbus.
Tééda bés i niñ, inyu boñ le di sébél jôl joñ.
19 Éé a Yéhôva nu mintôñ mi gwét, témb neebe bés;
boñ le mapubi ma su woñ ma béyéi bés le ndi di tohlana.+