Tjémbi
Biniigana inyu ñéga kôa. Ntuba. Hiémbi hi David.
66 A bôt ba hisi hiosôna, béghana Nyambe inyule ni nyémbél.+
2 Tublana jôl jé likeñi tjémbi di bibégés.*
Béghana nye inyu ti nye lipém.+
3 Kala Nyambe le: “Minson nwoñ mi yé hélha!+
Baoo boñ ba ga lôbhe we,+
inyu lipémba joñ likeñi.
4 Bôt ba hisi hiosôna ba ga ôôp i bisu gwoñ;+
ba ga tubul we tjémbi di bibégés;
ba ga tubul jôl joñ tjémbi di bibégés.”+ (Selah)
5 Ni loo ni béñge minson mi Nyambe.
Maboñok mé inyu bôt ba binam ma mbuma ñañ.+
Nyoo nyen di bi kon maséé inyu mam a bi boñ inyu yés.+
I bôt ba nai ni ndok ba nlama bé ngôgôp.+ (Selah)
8 A bé matén, béghana Nyambe wés,+
boña le kiñ i bibégés ni nti nye i nôga.
10 Inyule u bi noode bés, a Nyambe;+
u bi pubus bés kiki ba mpubus silba.
11 U bi gwel bés mu pése yoñ;
u bééga bés* mbegee i nlôôha yét.
12 U bi nwas le bôt ba binam ba tidbe bés;*
di bi tagbene i hié ni i malép;
i mbus, u kena bés i homa di nkôhna hogbe.
13 M’a jôp i ndap yoñ ni bisesema bi ntul i hié;+
m’a yônôs makak me bi kégél we,+
14 m’a yônôs mam bibép gwem bi bi bôn,+
yak mam nyo wem u bi pot i ngéda me bé boma bikuu.
15 M’a yoñ bilém bi bi gwé mahoñ, me ti we gwo le bi ba bisesema bi ntul i hié,
me sémél ki we bon ba mintômba.
M’a sémél we balôm ba nyaga ni balôm ba kembee. (Selah)
16 Ni loo ni emble, a bé bobasôna ba ni nkon Nyambe woñi,
ha nyen m’a añle bé i mam a bi boñ inyu yem.+
17 Me bi lôndôl nye ni nyo wem,
me ti ki nye lipém ni hilémb hiem.
18 Ibale me tééda jam libe mu ñem wem,
ki Yéhôva a bi emble bé me.+
20 Nyambe a kôhna bibégés, nu a bi tjél bé emble masoohe mem,
a tjél bé to unda me loñge yé ñem.*