Yésaya
60 “Telep a muda,+ béyés mapubi, inyule mapubi moñ ma mal lo.
Lipém li Yéhôva li mbéyéi we.+
2 Inyule jiibe li ga hô hisi hiosôna,
ngangañ jiibe i ga hô biloñ;
ndi we, Yéhôva a ga béyéi we,
lipém jé li ga nene i ngii yoñ.
4 Pa mis, béñge homa nyensôna ipañ yoñ!
Bobasôna ba nkodba; ba yé i lo i weeni.
Bon boñ bôlôm ba yé i lo i weeni, ba lôlak haa,+
yak bingond gwoñ bi yé i njel, bôt ba nhambaa gwo i bôbôk.+
5 Ha ngéda i, w’a tehe, u kon ki maséé,+
ñem u ga kumb we, ñem u ga yon ki we ni maséé,
inyule lingwañ li tuye li ga lo i weeni;
yak nkus u biloñ u ga lo i weeni.+
Bôt ba Séba bobasôna ba ga lo,
ba bak ba bééga gôl ni binunumba.
Ba ga bégés Yéhôva i mbamba.+
7 Bibémba bi Kédar+ gwobisôna bi ga kodbana i weeni.
Balôm ba mintômba ba Nébaiôt+ ba ga sélél we.
8 Bonjee bana ba mpuue kiki ond,
kiki dibeñ di di nke i mumbul map?*
9 Biôn bi ga bôdôl me ñem;+
bisitima bi Tarsis gwon bi ga bôk i bisu*
i lona bon bem bôlôm ba ba nlôl haa,+
yak ni silba ni gôl yap,
inyu jôl li Yéhôva Nyambe nan, ni inyu Numpubi nu Israel,
11 Manwemel moñ ma tison ma mba nyiblak ngéda yosôna;+
ma ga kwéhba bé juu to njamuha,
inyu boñ le bôt ba lona we nkus u biloñ,
bikiñe gwap gwon bi ga éga bo.+
12 Inyule i loñ tole i ane i ga sélél bé we, i ga tjiba;
i biloñ bi, bi ga tjiba, tjiba yosôna.+
13 Lipém li Libañ li ga lo i weeni,+
yak ni e junipa,* e ashi* ni e sipré,+
inyu lémés homa témpel yem i yé;
i homa me ntéé makôô, m’a ti nye lipém.+
14 I bôt ba bé tééñga we, bon bap ba ga lo, ba ôôp i bisu gwoñ;
bôt bobasôna ba bé yan we ba ga ôôp i makôô moñ,
ba ga sébél we le tison i Yéhôva,
Siôn, tison i Numpubi nu Israel.+
15 To hala kiki u bé nyôyôk, bôt ba ook we, mut to wada a bé lôô bé to i weeni,+
m’a yilha we yom le bôt ba ga bégés i boga ni boga,
ni yom i maséé tjai ndi tjai.+
16 U ga nyo milik mi biloñ,+
u ga nyuñ yak méé ma bikiñe;+
ha nyen u ga tibil yi le me Yéhôva, me yé Ntohol woñ,
Nu Lipémba nu Yakôb a yé Nkobol+ woñ.
17 M’a lona gôl inyu héñha mamuna,
me lona silba inyu héñha kei,*
mamuna inyu héñha bikék,
kei inyu héñha ngok;
m’a boñ le nsañ u ba babéñge nson woñ,
me boñ ki le telepsép i ba baéga bôlô yoñ.+
18 Mut a ga nok ha bé bisañ i loñ yoñ,
yom yo ki yo i ga tjiba bé to kuuba ikété minwaa nwoñ mi nkoñ.+
W’a sébél mapénd moñ le Tohi,+ ni manwemel moñ le Bibégés.
19 Hiañgaa hi ga béyéi ha bé we njamuha,
to sôñ i ga ti ha bé we mapubi,
inyule Yéhôva a ga yila mapubi moñ i boga ni boga,+
Nyambe woñ a ga ba bilama gwoñ.+
20 Hiañgaa hioñ hi ga nañal ha bé,
to sôñ yoñ i ga solop ha bé,
inyule Yéhôva a ga yila mapubi moñ i boga ni boga,+
yak dilo di maéya moñ di ga mal.+
21 Litén joñ jolisôna li ga ba bôt ba téé sép;
ba ga kôdôl loñ i boga ni boga.
22 Ndék bôt i ga yila hikôô hi bôt,
yak nuntitigi a ga yila loñ i i gwé ngui.
Me Yéhôva, memede nyen me ga boñ le i jam li li pala bôña i loñge ngéda.”