Tjémbi
Biniigana inyu ñéga kôa. Hiémbi hi David. Ntuba.
68 Nyambe a telep, babala bé ba tjama,
yak ba ba ñoo nye ba ke nye ngwéé.+
2 Sand bo kiki mbebi i nsand hiida;
kiki hié hi mboñ le babi wéi i nyimbi,
hala nyen bibéba bi bôt bi ntjiba i bisu bi Nyambe.+
4 Tublana Nyambe tjémbi, tublana jôl jé tjémbi di bibégés.*+
Tublana nu a nkil i ñoñ* tjémbi.
Jôl jé le Yéhôva!*+ Kona maséé i bisu gwé!
6 Ba ba gwé bé mut, Nyambe a nti bo ndap i het ba nla yééne;+
a mpémés bôt ba mok, le ndi mam map ma kee loñge.+
Ndi bôt ba ndok* ba nlama yén mu nnumuk ’isi.+
8 hisi hi bi nyeñg;+
u boñ le soso nop a no,* a Nyambe;
u boñ ki le Sinai a nyeñg, a Nyambe nu Israel.+
9 A Nyambe, u bi boñ le nop a no ngandak,
u ti ki litén joñ* ngui i ngéda li bé nwaak.
10 Ba bi yééne mu bilap gwoñ;+
u hôla diyeyeba inyu loñge yoñ ñem, a Nyambe.
11 Yéhôva a nti oda;
bôda ba ñañal ñañ nlam ba yé ntôñ gwét nkeñi.+
12 Bikiñe bi mintôñ mi gwét bi nke ngwéé,+ ñ, bi nke ngwéé!
I muda a nyégle i ndap a nkôhna ngaba mu nkus ba nkadal.*+
13 To hala kiki ni bé ni niñi mu bahoma ba bi kuye hié,*
ni ga kôhna bipapai bi hibeñ bi ba nhoo silba,
ni kôhna yak tjimba tjé di di yé ni bañga gôl.*
16 A bé dikôa di nyôgi, inyuki ni mbéñge hikôa hi Nyambe ni njôñ,
Ñ, Yéhôva a ga yén mu i boga ni boga.+
17 Bikak bi gwét bi Nyambe bi yé môm ma dikôô, ñ, dikôô ni dikôô.+
Yéhôva a nlôl i Sinai, a kenek i homa mpubhaga.+
19 Yéhôva a kôli ni bibégés, nu a mbegee mbegee+ yés hiki kel,
bañga Nyambe nu tohi yés. (Selah)
20 Inyu yés, bañga Nyambe a yé Nyambe nu a ntohol+ bés,
Nwet Bayemlikok le Yéhôva a mboñ le di pei nyemb.+
22 Yéhôva a bi kal le: “M’a nyodna bo i Basan,+ me témbna bo;
m’a nyodna bo ikétékété tuye, me témbna bo
23 inyu boñ le u yube kôô woñ mu matjél ma baoo boñ,+
ni le dilémb di ngwo yoñ di nyañal matjél map.”
24 A Nyambe, bôt ba ntehe mintôñ nwoñ mi ntagbe,
mintôñ mi Nyambe wem, Kiñe yem, mi kenek i homa mpubhaga.+
25 Batôp tjémbi ba mbôk i bisu, i bôt ba nkôt bikôkôda bi manganda ba noñok bo i mbus;+
dingonda di bak i ñemkété, di kôdôk dingoma.+
27 Nyoo nyen litén li Benyamin,+ li li yé lititigi, li ñénél bo,
yak baane ba Yuda ni ntôñ wap u u nyôgbe ba ñénél bo,
nlélém jam ni baane ba Zébulôn, lôñni baane ba Naftali.
28 Nyambe woñ a bi kit le u ga bana ngui.
A Nyambe, unda ngui yoñ, we nu u bi bôñôl bés mam.+
29 Inyu témpel yoñ i i yé i Yérusalem+
nyen bikiñe gw’a lona we makébla.+
30 Kônd binuga bi bikai bi bi nyééne mu makai,
ntôñ u balôm ba nyaga+ ni bon ba nyaga,
letee matén ma ôôp, ma lona* silba.
Sand matén ma ma ngwés gwét.
33 nu a nkil i ngingii, i i yé ibôdôl kôba ni kwañ.+
Kiñ yé i mbam kiki mbambat, kiñ i lipémba.
34 Béghana Nyambe inyule a gwé ngui.+
Lipémba jé li yé i ngii Israel.
Yak ngui yé i nene mu ngii.*
35 Nyambe a kôli le ba kon nye woñi i homa wé* mpubhaga nu a nlôôha nkeñi.+
A yé Nyambe nu Israel,
nu a nti litén jé ngui ni lipémba.+
Béghana Nyambe.