Kaat bisu i Miñañ
16 Ba bi jôbna nkuu Malômbla u bañga Nyambe, ba bii wo ikété lap David a bi oñ;+ i mbus, ba sémél bañga Nyambe+ bisesema bi ntul i hié ni bisesema inyu kôp nsañ. 2 I ngéda David a bi mal sem bisesema bi ntul i hié+ ni bisesema inyu kôp nsañ,+ a sayap bôt ba litén i jôl li Yéhôva. 3 David a ti ki hiki man Lôk Israel, bôlôm kiki bôda, ngiiña bret yada, koga yada i matam ma lién,* ni ôlô yada i matam ma nkôô wai. 4 I mbus, a pohol ngim bon ba Lôk Lévi le ba gwel nson i bisu bi nkuu Malômbla u Yéhôva,+ ba ti Yéhôva Nyambe nu Israel lipém,* ba ti nye mayéga, ba bégés ki nye. 5 Asaf+ nyen a bé ñéga, Sakaria a bé hôla nye mu nson u. Yéel, Semiramôt, Yéhiel,+ Matitiya, Éliab, Bénaya, Ôbed-Édôm ni Yéel ba bé kôt bikôkôda bi manganda ni diluñ;+ Asaf a kôdôk bibende bi mamuna,+ 6 biprisi le Bénaya ni Yahaziel ba bé hem sép ngéda yosôna i bisu bi nkuu Malômbla u bañga Nyambe.
7 I yokel nu nyen, inyu ngélé bisu David a bi tila hiémbi i ti Yéhôva mayéga, a kal Asaf+ ni lôkisañ le ba tôp hio, hio hini:
10 Kadbana inyu jôl jé lipubi.+
Miñem mi ba ba nyéñ Yéhôva mi konok maséé.+
11 Yéña Yéhôva,+ yéña ngui yé.
Yéña mahôla mé* ngéda yosôna.+
12 Bigdana minson mi hélha a bi boñ,+
manyaga mé lôñni mbagi a bi pémés,
13 a bé ba ni yé mbôda* Israel, ngwélél+ wé,
a bé bon ba Yakôb ba ni yé mimpohlak+ nwé.
14 Nyen a yé Yéhôva Nyambe+ wés.
Mbagi yé i yé inyu nkoñ ’isi wonsôna.+
15 Bigdana malômbla mé i boga ni boga,
bigdana mbônga wé* inyu hikôô hi tjai,+
16 malômbla a bi boñ ni Abraham,+
ni soñ a bi kumul Isak,+
17 i soñ a bi kum, a bi yigye yo inyu Yakôb+ lôñni mbén,
le i ba malômbla ma boga inyu Israel,
18 a bi kal le: ‘M’a ti we loñ Kanaan,+
le i ba ngababum+ yoñ.’
19 A bi kal hala i ngéda ni bé ndék bôt,
ñ, ndék bôt yaga, ni bak bakén mu loñ.+
20 Ba bi ke ba ndeñg biloñ biloñ,
ba nyodi i ane yada, ba ke i ane+ ipe.
21 A bi neebe bé le mut nye ki nye a tééñga+ bo,
ndi a bi kodol bikiñe+ inyu yap,
22 a kal le: ‘Ni tihba bañ minhook nwem,
ni boñ bañ to bapôdôl+ bem béba.’
23 Tublana Yéhôva tjémbi, a bé bôt ba hisi bobasôna!
Añlana tohi yé hiki kel!+
24 Añlana lipém jé ikété biloñ,
minson nwé mi hélha ikété matén momasôna.
25 Yéhôva a yé mpémba, a kôli ki le di bégés nye ngandak.
A kôli le di kon nye woñi iloo banyambe+ bape bobasôna.
28 Tina Yéhôva lipém li li kôli ni nye, a bé mahaa ma matén,
tina Yéhôva lipém li li kôli ni nye inyu lipémba jé ni ngui yé.+
Ôôbana i bisu bi* Yéhôva ni mambot mapubhaga.*+
30 Sehlana i bisu gwé, a bé bôt ba hisi bobasôna!
Hisi* hi umi siñ siñ; hi ta bé le hi nyeñg.*+
32 Tuye a nyai, yak ni gwom gwobisôna bi yé mukété;
nwom ni gwom gwobisôna bi yé mukété bi konok maséé.
33 Yak bie bi lipan bi leñ diléla i bisu bi Yéhôva,
inyule a yé i lo* i kéés ’isi.
35 Kala le: ‘Tohol bés, a Nyambe nu tohi+ yés,
kot bés, u sôñ ki bés i moo ma bôt ba biloñ,
le ndi di ti jôl joñ lipubi+ mayéga,
36 Yéhôva Nyambe nu Israel a kôhna bibégés
i boga ni boga.’”*
Litén jolisôna li kal le: “Amen!”* Li bégés ki Yéhôva.
37 I mbus, David a yék Asaf+ ni lôkisañ ha i bisu bi nkuu Malômbla u Yéhôva, le ba gwel nson hiki ngéda i bisu bi nkuu Malômbla,+ kiki ba bé lama sal hiki kel.+ 38 Ôbed-Édôm ni lôkisañ ba bé 68 bôt; Ôbed-Édôm man Yédutun ni Hôsa ba bé batat nwemel; 39 prisi le Zadok+ ni biprisi bipe bi bé i bisu bi lap i Yéhôva i homa a nyôgi i Gibéôn,+ 40 le ba sémél Yéhôva bisesema bi ntul i hié hiki ngéda i ngii juu li bisesema bi ntul i hié, kegla ni kôkôa; ni le ba boñ mam momasôna ma yé ntilga i Mbén Yéhôva a bi ti Israel.+ 41 Héman ni Yédutun+ ba bé lôñni bo, yak ni bôt ba bi yégle ikété bôt ba bi pohlana, ba sima ki bo môl le bon ba nlama ti Yéhôva+ mayéga, inyule “loñge yé ñem* i nom mba ni mba.”+ 42 Héman+ ni Yédutun ba bé hem sép, ba kôdôk bibende bi mamuna ni bikôkôda bipe inyu bégés* bañga Nyambe; bon bôlôm ba Yédutun+ ba bé tat nwemel. 43 I mbus hala, bôt ba litén bobasôna ba huu mambai map, yak David a ke i sayap lihaa jé.