Yôsua

15 Nkoñ bon ba* Yuda ba bi kôhna,*+ mahaa map mon ma bi kabna i nkoñ unu, u bé ke letee ni nwaa nkoñ u Édôm,+ nyoo i ñoñ u Zin, ikepam i lisuk li Négeb, i pes nwelmbok. 2 Nwaa nkoñ wap i pes nwelmbok u bé bôdôl i lisuk li tuye Bas,*+ u kenek nyoo i libôñ li li yé i mbombom i pes nwelmbok; 3 u kenek ki i mabeda ma Akrabim,+ u tagbege nyoo i Zin. I mbus, u nyodne i pes nwelmbok u Kades-Barnéa,+ u kenek i Hezrôn, u bedek ki i Adar ndi u hielbaga inyu ke i Karka. 4 I mbus ha, u bé tagbene i Azmôn,+ u kenek letee ni i nsôsôgô* u Égiptô,+ nkoñ wap u bé mélél i Tuye.* Hala a bé nwaa nkoñ wap i pes nwelmbok.

5 Nwaa nkoñ wap i pes likôl u bé tuye Bas,* letee ni i homa Yordan a nsul tuye. Nwaa nkoñ wap i pes ñombok u bé bôdôl i libôñ li tuye, i homa Yordan+ a nsul tuye. 6 Nkoñ wap u bé bet i Bét-Hôgla,+ u tagbege i pes ñombok i Bét-Araba;+ u bedek ki letee ni i ngok i Bôhan,+ man Ruben. 7 Nwaa nkoñ u bé bet nyoo i Débir, ipañ nsôsôgô* u Akôr,+ u hielbaga inyu ke i pes ñombok u Gilgal,+ tison i i nun mabeda ma Adumim, i i yé i pes nwelmbok u nsôsôgô;* nwaa nkoñ wap u bé tagbene i malép ma En-Sémes,+ u malak i En-Rôgel.+ 8 Nwaa nkoñ wap u bé bet nyoo nsôsôgô u Man Hinom,+ isi hikôa hi Lôk Yébus,+ nyoo i pes nwelmbok, hala wee Yérusalem;+ u bé bet letee ni i ngii hikôa hi hi yé i mbombom nsôsôgô u Hinom i pes hiôñg, u u yé nyoo i lisuk li nsôsôgô* u Lôk Réfaim i pes ñombok. 9 Nwaa nkoñ wap u bé nyodne i ngii hikôa, u kenek letee ni i lingen li malép ma Neftôa,+ u kenek ki nyoo i bitison bi hikôa hi Éfrôn; u bé ke letee ni i Baala, hala wee i Kiriat-Yéarim.+ 10 Nwaa nkoñ wap u bé hielba inyu ke i Baala i pes hiôñg, nyoo hikôa Séir, u tagbege isi hikôa Yéarim i pes ñombok, hala wee i Késalôn, u sôhôk letee ni Bét-Sémes,+ u tagbege nyoo i Timna.+ 11 Nwaa nkoñ wap u bé ke letee ni isi hikôa Ékrôn+ i pes ñombok, u kenek nyoo i Sikeron, u tagbege mu hikôa Baala, u kenek letee ni i Yabnéel, u malak i tuye.

12 Tuye Nkeñi*+ ni ngwañ wé gwon bi yé nwaa nkoñ wap i pes hiôñg. Hala a yé minwaa nwominsôna mi nkoñ u bon ba* Lôk Yuda; mahaa map mon ma bi kabna i nkoñ u.

13 Yôsua a bi ti Kaleb,+ man Yéfuné, yé ngaba mu nkoñ u bon ba Yuda, kiki Yéhôva a bi kal Yôsua; a bi ti nye Kiriat-Arba, hala wee Hébrôn+ (Arba a bi gwal Anak). 14 Ha nyen Kaleb a bi luhul bon baa ba Anak+ le: Sésai, Ahiman, Talmai;+ mbôda Anak. 15 I mbus, a bet i Débir inyu jôs i bôt ba nyééne nyoo. (Jôl li Débir+ li bé ndugi le Kiriat-Séfer.) 16 Jon Kaleb a bi kal le: “I mut a ga bép Kiriat-Séfer, a yoñ ki i tison i, m’a ti nye ngond yem Aksa le a ba nwaa wé.” 17 Ha nyen Ôtniel,+ man Kénas,+ manyañ Kaleb, a bi yoñ i tison i; jon Kaleb a bi ti nye ngond yé Aksa+ le a ba nwaa wé. 18 I ngéda Aksa a bé ke i ndap Ôtniel, a tinde nlôm i bat isañ* wom. I mbus ha, Aksa a sôs i jagas jé.* Kaleb a bat nye le: “U nyéñ kii?”+ 19 A timbhe nye le: “Soho sayap me, inyule i nkoñ u bi ti me i pes nwelmbok* u yé nnumuk nkoñ. Ti ki me Gulôt-Maim.* Jon Kaleb a bi ti nye Gulôt nu a yé i mabeda, ni Gulôt nu a yé i makuli.

20 I nkoñ u won ba bi ti bon ba* Yuda le u ba ngababum yap; mahaa map mon ma bi kabna i nkoñ u.

21 I bitison bi bé i lisuk li nkoñ u litén li Yuda, i nwaa nkoñ u Édôm+ i pes nwelmbok, gwo bini le: Kabzéel, Éder, Yagur, 22 Kina, Dimôna, Adada, 23 Kédes, Hazôr, Itnan, 24 Zif, Télem, Béalot, 25 Hazôr-Hadata ni Kériôt-Hezrôn, hala wee Hazôr, 26 Amam, Séma, Môlada,+ 27 Hazar-Gada, Hesmon, Bét-Pélet,+ 28 Hazar-Sual, Béer-Séba,+ Biziôtia, 29 Baala, Im, Ézem, 30 Eltôlad, Késil, Hôrma,+ 31 Ziklag,+ Madmana, Sansana, 32 Lébaôt, Silhim, Ain ni Rimôn;+ i bitison bini gwobisôna bi bé 29, lôñni mambai ma ma nkéña gwo.

33 I bitison bini gwon bi bé i Séféla:+ Éstaôl, Zôra,+ Asna, 34 Zanôa, En-Ganim, Tapua, Énam, 35 Yarmut, Adulam,+ Sôkô, Azéka,+ 36 Saaraim,+ Aditaim, Gédéra ni Gédérôtaim;* i bitison bini gwobisôna bi bé 14, lôñni mambai ma ma nkéña gwo.

37 Yak Zénan, Hadasa, Migdal-Gad, 38 Diléan, Mizpa,* Yôktéel, 39 Lakis,+ Bôzkat, Églôn, 40 Kabôn, Lamam, Kitlis, 41 Gédérôt, Bét-Dagôn, Naama ni Makéda;+ i bitison bini gwobisôna bi bé 16, lôñni mambai ma ma nkéña gwo.

42 Yak Libna,+ Éter,+ Asan, 43 Ifta, Asna, Nézib, 44 Kéila, Akzib ni Marésa; i bitison bini gwobisôna bi bé bôô, lôñni mambai ma ma nkéña gwo.

45 Yak Ékrôn, ni minkoñ nwé* lôñni mambai ma ma nkéña yo; 46 ni minkoñ nwominsôna mi mi yé ipañ Asdôd, ibôdôl i Ékrôn i pes hiôñg, lôñni mambai ma ma nkéña i minkoñ mi.

47 Yak Asdôd,+ ni minkoñ nwé lôñni mambai ma ma nkéña yo; yak Gasa,+ ni minkoñ nwé lôñni mambai ma ma nkéña yo, letee ni i nsôgôgô* u Égiptô, Tuye Nkeñi,* ni ngwañ wé.+

48 I bitison bini gwon bi bé i mbok dikôa: Samir, Yatir,+ Sôkô, 49 Dana, Kiriat-Sana, hala wee Débir, 50 Anab, Éstémô,+ Anim, 51 Gôsen,+ Hôlôn ni Gilô;+ i bitison bini gwobisôna bi bé 11, lôñni mambai ma ma nkéña gwo.

52 Yak Arab, Duma, Ésan, 53 Yanim, Bét-Tapua, Aféka, 54 Humta, Kiriat-Arba, hala wee Hébrôn,+ ni Ziôr; i bitison bini gwobisôna bi bé bôô, lôñni mambai ma ma nkéña gwo.

55 Yak Maon,+ Karmel, Zif,+ Yuta, 56 Yézréel, Yôkdéam, Zanôa, 57 Kain, Gibéa ni Timna;+ i bitison bini gwobisôna bi bé 10, lôñni mambai ma ma nkéña gwo.

58 Yak Halhul, Bét-Zur, Gédôr, 59 Maarat, Bét-Anôt ni Eltékôn; i bitison bini gwobisôna bi bé bisamal, lôñni mambai ma ma nkéña gwo.

60 Yak Kiriat-Baal, hala wee Kiriat-Yéarim,+ ni Raba; i bitison bini gwobisôna bi bé biba, lôñni mambai ma ma nkéña gwo.

61 I bitison bini gwon bi bé i ñoñ: Bét-Araba,+ Midin, Sekaka, 62 Nibsan, Tison i Bas ni En-Gédi;+ i bitison bini gwobisôna bi bé bisamal, lôñni mambai ma ma nkéña gwo.

63 Ndi bôt ba Yuda ba bi la bé luhul+ Lôk Yébus+ i i bé yééne i Yérusalem.+ Inyu hala nyen letee ni len, Lôk Yébus i ngi yéénege i Yérusalem lôñni bôt ba Yuda.