Masoola Yôhanes a bi kôhna

10 Me tehe mpémba añgel umpe u nsôs, u lôlak i ngii, u bak u hééba ond;* u ban-ga ki nyum i ngii ño wé, su wé u bak kiki hiañgaa,+ yak makôô* mé ma bak kiki mél ma hié, 2 u bééna ki nhudlak u man nhôôk kaat i woo wé. U téé kôô wé walôm i tuye, ndi u téé kôô wé waé i nkoñngii, 3 u lond ni kiñ ikeñi kiki i ngéda mbondo njéé i nkônd.+ I ngéda u bi lond hala, mbambat+ isaambok i bam.

4 Ndi i ngéda mbambat isaambok i bi bam, me bé bebee ni tila, ndi me nok kiñ i nlôl i ngii+ i nkal le: “Band i mam mbambat isaambok i nkal, u tila bañ mo.” 5 I añgel me bi tehe i téé i tuye ni i nkoñngii i pa woo wé walôm i ngii, 6 i kum soñ ni Nu a niñ i boga ni boga,+ nu a bi hek ngii ni gwom bi yé mukété, lôñni hisi ni gwom bi yé mukété, yak ni tuye ni gwom bi yé mukété,+ i kal le: “Ngéda i bem i mal tagbe. 7 Ndi mu dilo di, i ngéda añgel+ i nyônôs isaambok y’a ba bebee ni hem sép yé,+ wee jimb lipubi+ li mal yaga yon, li li yé ñañ nlam Nyambe a bi añle minkol nwé le bapôdôl.”+

8 Ndi kiñ me bi nok i nlôl i ngii+ i bi témb i pôdôs me, i kal le: “Ke yoñ nhudlak nhôôk kaat u u yé i woo u añgel i i téé i tuye ni i nkoñngii.”+ 9 Me ke yak añgel, me kal yo le i ti me man nhôôk kaat. I kal me le: “Yoñ nye, u je nye,+ a ga boñ le libum joñ li lol, ndi a ga nél we i nyo kiki wéi.” 10 Me yoñ man nhôôk kaat i woo u añgel, me je nye;+ a bé nél me i nyo kiki wéi;+ ndi i ngéda me bi mal je nye, libum jem li kahal lol. 11 Ha nyen ba bi kal me le: “U nlama kônde pot mbañ i mpôdôl ngandak matén, ni biloñ, ni dilémb,* ni ngandak bikiñe.”