Kaat Yôhanes

14 “Miñem minan mi siida bañ.+ Ni unda le ni nhémle Nyambe;+ ni unda ki le ni nhémle me. 2 Mayééne* ma yé ngandak i ndap Tata. Ibale ma bak bé ngandak, ki me nkal bé hala. Me nke i kôôbana bé homa.+ 3 Handugi hala, i ngéda me mal kôôbana bé homa, m’a témb me loo, me leege bé i meeni inyu boñ le i homa me mba, yak bé ki ni ba ha.+ 4 I homa me nke, ni nyi i njel i.”

5 Tômas+ a kal nye le: “A Nwet, di nyi bé hee u nke. Lelaa ni di nla yi njel?”

6 Yésu a kal nye le: “Men me yé njel,+ me yé maliga,+ me yé ki niñ.+ Mut to wada a nlo bé yak Tata handugi ni njel yem.+ 7 Ibale bé ni yik toi me, ki ni nyi yak Tata; ibôdôl nano ni nyi nye, ni ntehe ki nye.”+

8 Filipô a kal nye le: “A Nwet, unda bés Tata, ki hala a nkola bés.”

9 Yésu a kal nye le: “To hala kiki me ntégbaha ntandaa ngéda ni bé, a Filipô, baa we u yé ngi pam i yi me? Nu ni nu a ntehe me, wee a ntehe yak Tata.+ Lelaa ni u nkal le: ‘Unda bés Tata’? 10 Baa u nhémle bé le me yé ikété adna ni Tata, yak Tata a yé ikété adna ni me?+ I mam me nkal bé, me mpot bé mo ni memede,+ ndi Tata nu a ntéñbe i ba ikété adna ni me, nyen a mboñ minson nwé. 11 Ni hémle me i ngéda me nkal le me yé ikété adna ni Tata, yak Tata a yé ikété adna ni me; ndi ibale ni nhémle bé hala, ni hémle to inyu minson nwomede.+ 12 Me nkal yaga bé maliga le, nu ni nu a ñunda le a nhémle me, yak nye a’ boñ minson me mboñ; a’ boñ ki minson mi nloo mini,+ inyule me nke yak Tata.+ 13 Jam lipe ki, to kinje jam ni mbat i jôl jem, m’a boñ jo, le ndi Tata a kôhna lipém ni njel Man.+ 14 Ibale ni mbat to kinje jam i jôl jem, m’a boñ jo.

15 “Ibale ni ngwés me, n’a nôgôl mambén mem.+ 16 Ndi m’a bat Tata le a ti bé nhôla* numpe nu a’ ba lôñni bé i boga ni boga,+ 17 mbuu u maliga,+ u nkoñ ’isi u nla bé kôhna inyule u ntehe bé wo, u nyi bé to wo.+ Ndi bé ni nyi wo inyule u nyén ni bé, u yé ki ikété nan. 18 M’a yék bé me bé bébotama.* M’a témb i bééni.+ 19 Ndék ngéda, nkoñ ’isi w’a tehe ha bé me, ndi bé n’a tehe me+ inyule me niñ, yak bé n’a niñ. 20 I yokel nu nyen n’a yi le me yé ikété adna ni Tata, yak bé ni yé ikété adna ni me; me ki me yé ikété adna ni bé.+ 21 Nu ni nu a neebe mambén mem, a téédaga ki mo, nyen a ngwés me. Yak nu ni nu a ngwés me, Tata ki a’ gwés nye; yak me m’a gwés nye, m’a boñ ki le a tibil yaga yi me.”

22 Yuda,+ ndi ha Iskariôt bé, a kal nye le: “A Nwet, inyuki u mboñ le bés di tibil yi we, ndi ha bôt ba nkoñ ’isi bé?”

23 Yésu a timbhe, a kal nye le: “Ibale mut a ngwés me, a’ tééda bañga yem,+ yak Tata a’ gwés nye, di ga lo i nyeni, di yén lôñni nye.+ 24 Nu ni nu a ngwés bé me, a ntééda bé bibañga gwem. I bañga ni yé i nok i ta bé yem, ndi i yé i Tata nu a bi ep me.+

25 “Me bi kal bé i mam mana i ngéda me bé me ngi yii ni bé. 26 Ndi nhôla le mbuu mpubi, u Tata a’ ep i jôl jem, nyen* a’ niiga bé mam momasôna, a hôñlaha ki bé i mam momasôna me bi kal bé.+ 27 Me nyigle bé nsañ, me nti bé nsañ wem.+ Me nti bé bé wo kiki nkoñ ’isi u nti wo. Miñem minan mi siida bañ, to sehla ni sehla bañ. 28 Ni bi nok i jam me bi kal bé le: ‘Me nke, ndi m’a témb me loo i bééni.’ Ibale ni ngwés toi me, n’a kon maséé le me nke yak Tata, inyule Tata a nloo me.+ 29 Jon hanano, me mal kal bé jo ilole li mbôña, inyu boñ le ni hémle i ngéda l’a bôña toi.+ 30 M’a pot ha bé ngandak ni bé, inyule ñane nkoñ ’isi+ a yé i lo, ndi a ñénél bé me.*+ 31 Ndi inyu boñ le nkoñ ’isi u yi le me ngwés Tata, me mboñ mam ndik kiki Tata a bi ti me oda le me boñ.+ Telbana, di kenek.